O Kandɔɔ 18:25 - BII BILA

²⁵ A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

O Kandɔɔ 18:25 Referans Kwoze

SƐBƐ YƆB-O 8:3

Vɛ̀ɛ̀ Hala cɛ̀l pá le dɛnɛ sandaa tundɔɔ? Vana-Kpaayaa-Kpow mangalà pá dɛnɛ connun sakpo-o?

SƐBƐ YƆB-O 8:20

Kɛì-kɛì! Hala kɛɛ vana dɛnɛ sandaa le, vanaa dɛnɛ vɔɔnda o mala le ni.

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Condii lisai 94:2

Cɔn, nɔm vana kialaa n'yamaa lelɛŋndo, mà mingul vanaa yongaa mɛɛ dɛnnda ndalan la co yɛ.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Vana Kɔlkaloo 7:15

O telen bingi ya co yoomu-o bɛngu, í bii bila maa vana sandaa nɔla mò vi a dɛnɛ sandaa ndɔɔ, mì vana yɔŋ vɔɔndo lo yoomu a kɔlvesɛi ndɔɔ.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

O Kandɔɔ 18:24

Bɔɔle vanaa sandaa co beleŋuɛɛnu o kobio ho nin, bàà mà tɛɛmbuu nda? A nɔla mà mal vannda o kobio ho nin haki le vanaa sandaa beleŋuɛɛnua co haa nda tɛɛn-nda le?

Tɔŋ miingua 1:16

Tuma kon, mí dimul vanaa kialaa n'yamaa niaa kan aa: ‹La yaŋ nilan o kɔɔsɔla puapilɛa niaa ɲɛkɛndɛi, mì la kelu yamɛi sakpo le dɛnɛ yɔŋnun vanndo nda puapilɛ ndɔɔ, te kon te nda miallo tɛɛn-ndo.

Tɔŋ miingua 1:17

La hiyan vannda mì la sim vana kɔɔli o yamɛi kiolɔɔ nin te. La yaŋ cuaambɔɔ nilan mɛɛ niaa yaŋ kaasonɔɔ nilan yɛ. La yɔŋ isiòòn le vana-vana le, kani Hala o ba yamɛi kiolɔɔ i fula ni. Te kɔɔsɔɔ pum hiow niaa pɛ mayoomu, la cuu ya ndu, i tofa dɛnɛ kon lenin.›

Masaa kialaa n'yamaa 11:27

Ya yɛ, i tɛɛmbuu isɔɔ a nɔm te. Kɛ nɔm co ya dɛnɛ vɔɔndo tosallo ni, ma va ya tiŋɔɔ a cɔwvo. Màá Mɛlɛka Hala kialu yaman vannda kpow-vo kiolu hau yamɛi Israɛlla nda Amɔnnda tɛɛn!»

2Dɛnnda lemasalan 19:7

Lelan, la ke ndu bɛɛlen mì la caa taw. Kani Mɛlɛka Hala naa mel sandii lepɛŋnde haki le, o mel vannda hiyanndo handɔɔ tɛɛn haki le, o mel vɛlɛ vannda ɲɔɔn poondiaa o laba le luɛyɔɔninndo haki le.»

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

Vana Kɔlkaloo 3:17

O kon, mí yiyan o kɔl nuu nin maa Hala kialunin vana sandaa a vana kɔlvesɛiyo iyama. Bau telenndo vanin le dɛnndan kpow, dɛnnda naalan kpede la kialunnin iyama.

Yeremi 11:20

Kɛ nɔm Mɛlɛka-Nɔ-Kpaayaa-Kpow-vo, nɔm co vana kialaa n'yama sandaa ni, nɔm sina yeemɛi a yiyanndan kpow ni. I canin mɛɛ n mingulnin nda maa yɛ, kani nɔm ya tiindan ni.»

Esekiɛl 18:25

La co dimio aa ɲɛ Maalii co tosaa-o sendu le! Ava, mɛɛ la yaŋ-ndɔ nilan, niaa cuavaa Israɛlla! Vɛ̀ɛ̀ ɲɛ ya co tosaa-o sendu le ni baa dɛnnda niaa co tosaa lan la sendu le ni?

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

1Dɛnnda lemasalan 16:33

Mì yɔmii co o bundɛlan nin-nde solul Mɛlɛka diomndo a ɲaaloo, kani o co hunɔɔ le lɛŋnden yamɛi kiolɔɔ.

SƐBƐ YƆB-O 34:12

Ì co toɲa, Hala tosa dɛnɛ kɔlvesɛi le, Vana-Kpaayaa tundu dɛnɛ sandaa le.

Condii lisai 7:12

Yamanɔ sandaa Hala co ni, lepalaa-lepala ò nɔla mò tuulu kɔl.

Condii lisai 50:6

Halataalaa co cɔmndo maa Hala sandu, kani ndu Hala pila co vana kialaa n'yamaa ni.

Condii lisai 75:3

Hala dimi aa: «Telen ya pila handunin-ndo, telen kon ya kialunin yamɛi sandɛi ni.