O Kandɔɔ 18:21 - BII BILA

²¹ Lelan, i yeema mì tol lon, mì tofa te toɲaa sɔɔn ya co tueyɔɔ a nda o kɔɔ-on co ni. Te o co yɛ dɔ́ɔ́ toɲa le, i co vɛlɛ sina.»

O Kandɔɔ 18:21 Referans Kwoze

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

O Kandɔɔ 11:5

Mí Mɛlɛka toal, mó hun mɛɛndan kobio a cɛi coocoo vanndacieea va tangullo-o.

Sofoni 1:12

Paale len, i balunin Yerusalɛm mɛɛndianndo a tɛngɛla leyinndan. I co vanaa kɛɛ le kpeŋanndo ma vannun yili, mɛɛ kììyo cal o mɔiyan bɛngu nuaa yɛ-a soŋɔ̀ɔ̀ soŋɔ̀ɔ́ pila. Kani a co dimio aa: Mɛlɛka nɔla ɲɛ-ɲɛ tosa le, o va dɛnɛ kɛndɛ, o va o vɔɔn.

Misee 1:3

Kani la tofa vɔ, Mɛlɛka co fulaa o calta ndɔlan nin mò va tolɔɔ, o co kɔlan a nɛwvo o pembun co o lɛŋnden coo-on coo.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Yosue 22:22

«A toɲa, Mɛlɛka co Hala bɛndoo ni, lende i co ni, Mɛlɛka co Hala bɛndoo ni. O sina le kɔlɔ naa n tosa nuaa-o. Israɛlla bɛɛ bɛnda mà sina ken. Te nila kalulan a kɛndɛi sinaa lepɛŋnde vem naa fonda-loamaa-lasálàá ho simio ni, màá Mɛlɛka mal naa haki hau le!

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Fulaa 33:5

Kani mí Mɛlɛka soaa o Moise lo aa: «Dimul Israɛlla aa: ‹Vanaa lanila kalua niaa co ni, te i kɔɛ pɛ niaa tɛɛn, hali le telen pɔmbɔ, i diw niaa kpede. Lelan, la sooluu volɔɔla niaala kɛɛsuanndan, mì la mɛɛndan mɔnɛ ya co soli a niaa-o.›»

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

2Korɛntea 11:11

Le yɛɛ ya co yɛ ken dimio? Bàà mò va maa i kaola niaa le? Hala sínà maa i kaola niaa.

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Yeremi 17:1

«Haki Yudaa co mɛɛ vana sɛva sɔɛi pum a tuɛndɔɔ, te kon te a pɔɔndɔɛi diamannde yɛ. O co nda o sɛvaa o lakɔl a o kpɛ̀ɛ́n fondala-loamaa-lasálàlan coo.

Condii lisai 90:8

Tɛɛmbuula naalan la co nɔm o hɔl, ɲɛ-tengaa nɔmndo co hakila naa n co tosaa o vionnɔnndo nin-ndan teengiaa.

SƐBƐ YƆB-O 34:22

Ɲumma man ma co le, vundule piɔ́mnde len le co le, nɛɛ vanaa dɛnɛ vɔɔnda nɔla vionnɔnndo-a.

Tɔŋ miingua 13:3

hali sɔɛi o dimi-e te kon te lɔma o sɔl-lan ma peelun, te o dimul niaa pɛ aa: ‹La n kɔnnun mì n kɔ soolun halaa celeŋaa naa n sina le-a›,

O Kandɔɔ 18:17

Mí Mɛlɛka pila ɲunan aa: «Bàà mì vin Abraham ɲɛ ya co hunɔɔ tosa-o?

Condii lisai 14:2

Mɛlɛka co o halataala mò va tundɔnndo, le vanndacieea mɛɛndanndo lɛŋ, le sinaa te vana pum nɔ pɛ taasio, mó va ndu Hala nuwviaa.

O Kandɔɔ 6:12

Mɛɛ Hala tofa vanndacieea o ceendo coo, mó ca nda a laasiannda kpow, kani vana-vana va kelaa o yɔŋ vɔɔndo nin.

Yonas 1:2

«Cɔn ma kɔɛ o kobi bɛndoo Ninive nin, mà kɔ tɛɛngul vanaa co lon-nda sɔɔn mun, kani tɔ́ɔ́ kɔlvesɛi ndaa tiiya o ya lo dí.»