2 Mɛɛ o tofa, mó ca langbaa nda yáá isisi tiŋ lándán. Mó can ɲaali o cɛi-kola-toandaa ndɔɔ dio, mó kɔa nda demullo a kiltan. Mɛɛ o tiiya, mó baŋ vulan,
Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.
Paale pum, mí mɛlɛkanɔ Hala-o fulal laa ndɔ kon ceen, mó dimul ndu aa: «I sina maa a nɔ hɔ́ɔ́ le, kani a co vana vialaa le. Kɛ nduyɛ, a cuanin folio ma velu poo.
Lɔ́ɔ́ Yosue sɔɔnguu Yeriko ciee-lekɔɔ-o, mó heelu hɔlla, mó ca vanndo pum isisi ndu laci, mɔɛi cɔwve va vana kon o ba, i ve o boo nin te. Mí Yosue sɔɔnguu ndu ikɛi, mó ɲuna ndu aa: «O kunda naa coo n co ni baa o kunda yaamɔaa naa coo?»
Ruti tueyɔɔ lende, mó baŋ vulan Boas o labɛngunin, mó kuumbuu hɔlla lɛŋ, mó ɲuna ndu aa: «Le yɛɛ nɛ n co yɛ ya dɛnɛ kɛndɛ súúo ho tosallo? Le yɛɛ nɛ n ce yɛ ya miallo ho ɲia nuaa?»
Mɛɛ vanaa-tɛɛngaa-diom Hala-a va Yeriko-a ce Elise kɔɔli-kɔɔli, má dimi aa: «Kɔl Elii-o tol Elise coo!» Má kɔa ndu bɔŋaa, má tundun ndu o labɛngunin háá lɛŋ.
Yosɛf va lɛŋnde Esipte len kpow bollen ni. Ndóò nɔ hɔlten o balo nda va cuavaa lelɛŋnda pisio o ba-o coo ni. Mí bɛndaa ndɔa hun baŋ vulan ndu o labɛngunin, má tundu bolle lɛŋ.