O Kandɔɔ 18:12 - BII BILA

¹² Le hee, mí Sara mam o kɔl ndɔɔ nin, mó dimi aa: «Yee a yuuvɛi naa n yuuva nin hee naa pɔnɔ nuu kudɛɛ-kudɛɛ-e naa n can vɛlɛ fafala kon ni?»

O Kandɔɔ 18:12 Referans Kwoze

1Piɛr 3:6

maa mɛɛ Sara ndóò bii sɔɛi Abraham-nde mó va ndu veeloo aa vana ni bɛndoo yɛ. Cuavaa ndaa imamaa niaa co ni, le tùú niaa co dɛnnda kɛndɛlan tosaa-o, te la tosa pɛ dɛnɛ kɛndɔɔ, mì siòòŋii bii niaa a ɲɛ-ɲɛ le.

O Kandɔɔ 17:17

Mɛɛ Abraham tuei sɔɛi ken, mó baŋ vɛlɛ vulan, mó tundu hɔlla lɛŋ, mó mam ciki-ciki. Mó dimi o kɔl ndɔɔ nin aa: «Vanapɔnɔ yuuvɛi cii nin vɔsilan kɛmɛ-o nɔla pá mo velu hɔ́ɔ́? Yee Sara cii nin hoo vɔsilan belaŋɔmahiɔɔlu-o nɔla vɛlɛ mò cua folio, mo velu hɔ́ɔ́?»

O Kandɔɔ 18:13

O kon, mí Mɛlɛka ɲuna Abraham aa: «Le yɛɛ nɛ Sara mam yɛ, mó dimi aa: ‹Mɛɛ ya yuuva nin nuaa yɛ, i nɔla lɛ pá mì velu hɔ́ɔ́?›

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

Condii lisai 126:2

N va mamɔɔ, n ve pɛngi le. Sɔɔn maman va naa o lasondo, n va deŋio a condun ɲaalon. Vanaa-mangalaa-isɔɔa va dimio aa: «Mɛlɛka tosa dɛnndan taw le nda.»

Condii lisai 45:11

Nɔm cua sei! Tofa vɔ, yaŋ-ndɔ nilan. Pɔɛɛnun vanaa nɔmnda a yungu fuɲa nɔmndo.

Masaa kialaa n'yamaa 19:26

Paalen kandɔɔ siɔu, mí cuaa hun del o fallo lo dio, nɛɛ pɔnɔ ndɔ va o yiya-a. Mó lo lon háá mí ɲɔɔ tenga.

2Masaa 4:16

Mí Elise dimul ndu aa: «A telenndo ho ɲinasiaŋ, a nɔnin hɔ́ɔ́ piaandoo o balan coo.» Mí cuaa dimi aa: «Ken i nɔla tosan te, vana ni bɛndoo! Nɔm vana Hala-o, hui ya buɛi nɔmndo le.»