O Kandɔɔ 18:11 - BII BILA

¹¹ Abraham nda Sara laa ndɔ, ndáà yuuvan nin taw. Sara ndóò hiow nin telen vialaa lɔ́ɔ́ levil.

O Kandɔɔ 18:11 Referans Kwoze

O Kandɔɔ 17:17

Mɛɛ Abraham tuei sɔɛi ken, mó baŋ vɛlɛ vulan, mó tundu hɔlla lɛŋ, mó mam ciki-ciki. Mó dimi o kɔl ndɔɔ nin aa: «Vanapɔnɔ yuuvɛi cii nin vɔsilan kɛmɛ-o nɔla pá mo velu hɔ́ɔ́? Yee Sara cii nin hoo vɔsilan belaŋɔmahiɔɔlu-o nɔla vɛlɛ mò cua folio, mo velu hɔ́ɔ́?»

Hebreea 11:19

Kɛ mí Abraham yiyan o kɔl ndɔɔ nin maa Hala nɔ kpaaya o mingi Isaak yoomu-o. Lelan mí Hala mingul ndu po ndɔɔ, mí ken yɔŋnun tuulaa pum.

Luke 1:36

Tofa vɔ, Elisabɛt vana nɔm, o ndáà dimi aa o vilu loo bɛɛ cua pulei o yuuvɛi nin. Paangii ŋɔmpumndɔɛi co hee nin nuaa ni.

Luke 1:18

Mí Sakari ɲuna mɛlɛkanɔɔ aa: «Vɛ̀ɛ̀ ya sina yɛnin kon? Kani i yuuva, laa nuu bɛɛ nɔnin vɔsilan taw.»

Luke 1:7

Kɛ nduyɛ, ndáà nɔ n'cuaw le, kani Elisabɛt ve vana vialaa le, ndáà yuuva nin vɛlɛ taw.

Tɔŋ lasálàá 15:19

«Te vanalanɔɔ va pɛ o paangei nin, mì koovan ma va ndu fulaa, o bɛnda mò lo o nɔɔla kon nin háá palɛi ndii ŋɔmmɛw. Vana-vana pilan ndu pɛ, ndu siŋnun vana nɔɔlɛiyo háá icɔllo.

O Kandɔɔ 31:35

Mí Rasɛl dimul fuɲa ndɔ aa: «Vana ni bɛndoo, te i cen nɔm o hɔl mì sim te, tambu kɔl te, kani o paangei nin ya co ni.» Mó cɔɔlu vɛlɛ yaasiaa, kɛ o seelun nda le.

O Kandɔɔ 17:24

Abraham pila ndóò nɔ vɔsilan belaŋɔmahiɔɔlu a laŋɔmahiɔɔlu, mó dii toomaa,

O Kandɔɔ 21:7

Kani nɛ̀ɛ́-nɛ̀ ndóò nɔla yɛ lɛ̀ Abraham dimullo maa Sara co hunɔɔ cuawva vɔɛsi? Kɛ nduyɛ, má ce mɛɛ ya vilul ndu hɔ́ɔ́ piaandoo o yuuvɛi ndɔɛi nin yɛ.»

O Kandɔɔ 24:1

Abraham ndóò yuuva nin taw, ndóò cii nin vɔsila bɔɔ-bɔɔ, nduyɛ Mɛlɛka ndóò dɔw ndu duaa o dɛnndan kpow nin.

O Kandɔɔ 24:36

A va nin a yuuvɛiya, mí Sara laa ndɔ vilul ndu hɔ́ɔ́ piaandoo, mó yɔngu po kon bolofaa ndɔɔ kpow.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.