O Kandɔɔ 17:8 - BII BILA

⁸ Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 17:8 Referans Kwoze

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

Condii lisai 105:11

Mó dimi aa: «I yɔngu nɔm lɛŋnde Kanaan-nden, kɛ́ nɔmndo vanin kon ni, nɔm a polale nɔmnden.»

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Tɔŋ miingua 29:13

O co niaa daama le ya yiilul kpemaa ho le, o co ko niaa daama le ya mɛnalan mɛnalanndo ho le.

Tɔŋ miingua 26:18

Mí Mɛlɛka dimi hau maa la vanin vanaa ndɔa, maa mɛɛ ndu pila dimul niaa ndi yɛ, maa la biinin tɔŋnda ndɔlan kpow,

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

O Kandɔɔ 13:15

Lɛŋnde n co len cɔu len, i co nɔm nden yɔngu niaa cuavaa nɔmaa imamaa le fɛɛn a fɛɛn.

Condii lisai 105:9

Kpema o yiilu Abraham-ndo co kon ni, mɛnalan o mɛnalan Isaak-o.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

O Kandɔɔ 28:4

Màá o tuisi nɔm duaa o dɔw Pua Abraham-ndo coo niaa cuavaa nɔmaa imamaa, haliko mi lɛŋnde n co len icali nin o sumialle len le siŋnun lɛŋnde nɔm! Kani Abraham fuɲa nɔm mama Hala yɔngu len ni.»

O Kandɔɔ 13:17

Lelan, cɔn mà kela o lɛŋnden nden nin, mà mɛɛndan mɛɛ le bandu yɛ a mɛɛ le nɔ buo yɛ. Nɔm ya yɔngunin nden ni.»

2Samiɛl 23:5

Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

Tɔŋ miingua 32:8

Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

Kundalan 25:13

Kpema kon yɔngu ndu dío le lou o vali solia lasálàá coo le fɛɛn a fɛɛn, kandɔɔ a ndu pila, kɔ bii a polale ndɔlen fɛɛn-fɛɛn. Kani o tosa paŋalaa le Hala ndɔɔ, mó tosa vɛlɛ faleŋii baŋannde Israɛlla coo.»

Fulaa 40:15

ma pɔla nda mɛɛ n pɔlanin fuɲa nda yɛ, mì nda bɛɛ siŋnun vanaa-solia-lasálàà nia. Pɔla n pɔlanin nda kon-ndo tosanin ni mì vali solia lasálàá siŋnun vali nda le fɛɛn a fɛɛn, kandɔɔ a nda pila, kɔ bii a cuavaa ndaa imamaa.»

O Kandɔɔ 48:4

Mó dimul-la aa: ‹I co nɔm cuawva yɔngu mì polale nɔmnden le kui taw. I solinin vanaa-mangalaa-isɔɔa taw nɔm o ipulu. Nduyɛ, i co hunɔɔ cuavaa nɔmaa imamaa lɛŋnden nden yɔngu le fɛɛn a fɛɛn.›

O Kandɔɔ 23:4

«I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Tɔŋ lasálàá 16:34

Tɔŋ niaa bɛnda le biyɔɔ le fɛɛn a fɛɛn-ndo co kon ni. La bɛnda mì la bii ndu haliko mi la sɔla hakio malɔɔ le hakila niaalan kpow bɛmbɛ lepilɛ o vɔsio nin, niaa Israɛlla pɛɛn.» Má tosa ɲɛ-ɲɛ Mɛlɛka dimul nda a sondo Moise-o.

Fulaa 21:6

o kon, vana ndɔ bɛndoo sɔɔnguu a ndu Hala o hɔl, o kɔɛ a ndu o koŋndo ikɛi, te kon te o kèédei coo, o buli ndu nilen a yɔɛi buliaa laniei. O tosa pɛ lende, langbanɔ kon siŋnun cɛ ndɔɔ le fɛɛn a fɛɛn.

Dɛnnda kiilaa 7:5

Hala ke ndu lɛŋnde len mì le va ɲɛ ndɔ le, hali nɛɛ kɛsiaa ipelu bɛɛ o ke ndu le. Kɛ mó dimul ndu maa o hun kenin ndu lɛŋnde len kɛ́ɔ, ndu a cuavaa ndɔa imamaa. Nduyɛ o telen kon, Abraham ndóò nɔ vɔ hɔ́ɔ́ le.

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 36:7

Kani cɔlua va nda o ba taw-taw, ndáà nɔla sulɔɔ o tàndà pilɛ nin te. Nduyɛ, lɛŋnde nda va icali nin-nden léè tiw lɛ nda le, bau cɔlua ndaa va bɔɔ sɛ́lɛ́.

O Kandɔɔ 37:1

Yakɔb va icali o lɛŋnde Kanaan-nden nin, nɛɛ Isaak fuɲa ndɔ va-a.

Fulaa 13:11

Tuma Mɛlɛka lueinin niaa o lɛŋnde Kanaan-nden nin-ndo, mɛɛ o mɛnalan niaa a fuɲaa niaa mamaa yɛ, telen o yɔngunin niaa lɛŋnde kalalen-ndo,

Fulaa 29:45

I kɛsinin calta nilan Israɛlla tɛɛn, mì va Hala ndaa.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 31:1

Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

Tɔŋ lasálàá 14:34

«Telen niaa tiiyanin o lɛŋnde Kanaan-nden nin-ndo, lɛŋnde ya yɔngu niaa len, te la ce pɛ mì soli sɔŋ velan a yullo-o o cɛiyo pum o lɛŋnde niaale sɛnɛile len nin,

Kundalan 10:29

Mí Moise dimul Hobab, po Reuɛl lefu ndɔ Madiannɔ-o aa: «O lɛŋnde Mɛlɛka yiilu naa kpemaa le naa yɔngoo len nin naa n co kɔlan ni. Lelan, hun n kɔnnun naa niaa, a co lakɔ dɛnɛ kɛndɔɔ sɔla lon, kani Mɛlɛka dimi le Israɛl dɛnɛ kɛndɔɔ tosallo.»

Kundalan 27:12

Mí Mɛlɛka dimul Moise aa: «Hel o pembii Abarimnda he coo, ma mɛɛndan lɛŋnde ya co Israɛlla yɔngu len.

Tɔŋ miingua 32:49

«Hel o pembon Abarim coo, o pembei Nebo coo, i co o lɛŋnde Moab len nin-nde, Yeriko o hɔl-ndɔ, ma mɛɛndan lɛŋnde Kanaan-nden, le ya co Israɛlla yɔngu len.

Tɔŋ miingua 34:4

O kon mí Mɛlɛka dimul ndu aa: «Tofa vɔ lɛŋnde ya yiilu Abraham, Isaak a Yakɔb kpemaa, mí mɛnalan nda le nda len yɔngoo len. Mí dimul nda aa: ‹Lɛŋnden nden ya yɔngunin cuavaa niaa imamaa ni.› I cɔm nɔm Moise lɛŋnde kalalen, má ca len a lehɔl, kɛ a lueinin lenin te.»

Yosue 1:2

«Moise vana ni baala vi, cɔn niko ma taŋ Yurdɛn n co hoo cɔu-vo niaa vannda ha kpow, mì la kɔɛ o lɛŋnde ya yɔngu Israɛlla len nin.

1Dɛnnda lemasalan 16:18

Mó dimi aa: «I yɔngunin nɔm lɛŋnde Kanaan-nden, kɛ́ niaa vanin kon ni, nɔm a polale nɔmnden!»

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Esekiɛl 33:24

«Po vanacieo sei, vanaa co icali o cieon piɔlɛin mun nin Israɛl-la co dimio aa: ‹Abraham ndu pilɛ kpé va ni, kɛ mó hialu lɛŋnden nden kpow, kɛ naa naa n co sɛ́lɛ́ taw, nduyɛ naa lɛŋnden nden le yɔngun fasɛi ni!»

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.