O Kandɔɔ 17:4 - BII BILA

⁴ «Kpema ya co nɔm yiilu-o co hoo ni: a siŋnunnin fuɲa-mamaa le vanaa-mangalaa-isɔɔa súúlan taw.

O Kandɔɔ 17:4 Referans Kwoze

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 48:19

Kɛ mí fuɲa ndɔ kɛɛ, mó dimi aa: «Po nuu, i sina. I sina válán. Polale Manase len bɛɛ le vanin sɛ́lɛ́ taw, ndu bɛɛ vanin vana tɔ́ɔ́ bɛndoo. Kɛ pɔmbɔ ndɔ hiawnin va vana tɔ́ɔ́ bɛndoo a ndu, vanaa-mangalaa-isɔɔa taw-taw a fulanin o polale pɔmbɔ ndɔlen coo ni.»

O Kandɔɔ 32:12

I tɛɛlun nɔm yandi, baŋa ya Esau bɛ ni o ba. Kani i co buulanndo yɔŋii o hun dii ya, mò diw vɛlɛ kalla a cuawva.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 16:10

Mó dimul ndu vɛlɛ aa: «I co nɔm cuavaa-imamaa yɔngu, a vanin sɛ́lɛ́ bɛndoo taw, vana nɔlanin nda cɔmndo le.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!