O Kandɔɔ 17:3 - BII BILA

³ O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

O Kandɔɔ 17:3 Referans Kwoze

O Kandɔɔ 17:17

Mɛɛ Abraham tuei sɔɛi ken, mó baŋ vɛlɛ vulan, mó tundu hɔlla lɛŋ, mó mam ciki-ciki. Mó dimi o kɔl ndɔɔ nin aa: «Vanapɔnɔ yuuvɛi cii nin vɔsilan kɛmɛ-o nɔla pá mo velu hɔ́ɔ́? Yee Sara cii nin hoo vɔsilan belaŋɔmahiɔɔlu-o nɔla vɛlɛ mò cua folio, mo velu hɔ́ɔ́?»

Masaa kialaa n'yamaa 13:20

yelenyelen leyin va helɔɔ cɔnɔnndo o fonda-loamaa-lasálàá coo-o tofaa, má ca mɛlɛkanɔ Hala-o helnɔnndo coocoo o yelenyelen kon nin. Má del lɛŋ a kuumbuan o kɔl coo.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Matie 17:6

Kaandennda tueyɔɔ diom kon, má deli lɛŋ a kuumbuan, mì siòònde bii nda taw.

1Masaa 18:39

Telen vannda kpow ce kon-ndo, má deli a kuumbuannda lɛŋ, má dimi aa: «Mɛlɛka co Hala kpeekpeiyo ni! Mɛlɛka co Hala kpeekpeiyo ni!»

Yosue 5:14

Mí vana kon muli aa: «I co o kunda kɛ́-kɛ̀ coo le. Ya co simlacinɔ vanaa cɔvaa Mɛlɛka-a ni, hunɔɔ koni ya co nuaa ni.» Mí Yosue del o kuumbuan ndu o hɔl, mó dimi aa: «Yɛɛ nɔm vana ni bɛndoo nɔ yɛ le ya vana nɔm baalaa dimullo?»

Daniɛl 10:9

Mí tuɛi langbanɔ kon sɔɛi. Mɛɛ ya tuei ndu sɔɛi, mí del o kuumbuan o kɔl coo maa vana vovɛi.

Esekiɛl 3:23

O kon, mí can, mí toal o bóllo nin. Tofa vɔ, biilu Mɛlɛka-o va o toangaa lon, mɛɛ yáà ce ndu o peo Kebar ikɛi yɛ. Le hee, mí del lɛŋ, mí kuumbuu hɔlla lɛŋ.

Esekiɛl 1:28

Mɛɛ ninginangaa fula o yumbuyumboo coo a paale piɔɔlen nuaa yɛ, lende ɲɛ-tengaa ndóò kilan yɛwve ndu balɔɔ sɔ́-o va ni. Biilu Mɛlɛka-o ndóò cɔmnun kon lende kpendekele ni. Mɛɛ ya ce ɲɛ kon, mí del lɛŋ, mí kuumbuu hɔlla lɛŋ. O kon, mí tuɛi diom vanacieo sɔɛi o ya lo.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Kundalan 14:5

Mí Moise nda Aarɔn a deli lɛŋ a kuumbuan o kɔl coo Israɛlla kpow o hɔl.

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Esekiɛl 9:8

Tuma nda va vannda diwvo mí lo ya pilɛ kpé-o, mí del lɛŋ o kuumbuan o kɔl coo, mí koŋul aa: «Éé Maalii, Mɛlɛka! Vɛ̀ɛ̀ má tuisi kɔltuw nɔmndo Yerusalɛm coo, má siow Israɛlaa tɔ̀a lo yoomu-a diw kpede?»

O Kandɔɔ 18:2

Mɛɛ o tofa, mó ca langbaa nda yáá isisi tiŋ lándán. Mó can ɲaali o cɛi-kola-toandaa ndɔɔ dio, mó kɔa nda demullo a kiltan. Mɛɛ o tiiya, mó baŋ vulan,