O Kandɔɔ 17:21 - BII BILA

²¹ Kɛ a Isaak ya co hunɔɔ kpema nuu yii ni, po Sara laa nɔm vilulnin nɔm a boondei he ɲinasiaŋ-ndo pɛɛn.

O Kandɔɔ 17:21 Referans Kwoze

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

O Kandɔɔ 18:10

O kon mí o pilɔɔ dimul ndu aa: «A boondei he ɲinasiaŋ, i muungunin o nɔm ndo nanu, nduyɛ Sara laa nɔm co hɔ́ɔ́ piaandoo violɔɔ a telen kon.» Sara va nilan yaŋɔɔ o cɛi-kola-toandaa dio, mó tuɛi sɔɛi ken.

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

Rɔmnda 9:9

Sɔɛi kpemɛi ken co hee ni aa: «A telenndo ho, i muungunin nanu, nduyɛ Sara sɔlanin hɔ́ɔ́ piaandoo.»

Dɛnnda kiilaa 1:7

Mó mulul nda aa: «O co niaa le bɛnda mì la sina telenndan a palɛi Fuɲa nuu pila kɛsi a kpaaya ndɔɔ-e le.

Luke 1:72

O tuinun fuɲaa naa mamaa iɲíí, mó yiyan le kpema diandaa o yii-yo.

Luke 1:55

maa mɛɛ ndóò dimul fuɲaa naa mamaa, a Abraham a á polale ndɔlen le fɛɛn a fɛɛn yɛ.»

SƐBƐ YƆB-O 14:13

Éé Hala! Te ciee-piɔ́m koni nɔm óò ven ya nuaa ni, mì yáà lo lon háá telen nɔm óò ɲululnin kɔl-lo. Te nɔm óò kilul-la pɛ telen bingi, o kon kɔɔli mí nɔm óò yiyan ya coo!

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Fulaa 2:24

Mɛɛ o tuei nda cɛɛŋɔnndo, mó loonun a kpema o yiilu Abraham, Isaak a Yakɔb-o.

O Kandɔɔ 46:1

Mí Israɛl cua ɲɛ-ɲɛ va ndu o ba, mó bii nɛiyo le kɔlan Esipte. Mɛɛ o tiiya Bɛɛr-Seba, mó solul Hala Isaak fuɲa ndɔ-o sálàlan.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 18:14

Yɛɛ nɛ kendu yɛ a Mɛlɛka? Tuma ya keinin o nɔm ndo ɲinasiaŋ-nde, Sara vialunin hɔ́ɔ́ piaandoo.»

O Kandɔɔ 21:1

Mí Mɛlɛka yiyan Sara coo mɛɛ ndu pila ndóò dimi yɛ, mó peelu kpema o yiilu ndu-o.