O Kandɔɔ 17:16 - BII BILA

¹⁶ I co ndu duaa dɔvɔɔ mò vilul nɔm hɔ́ɔ́ piaandoo. I co ndu duaa dɔvɔɔ mo siŋnun kala-mama vanaa-mangalaa-isɔɔa súúlan taw. Masaa súúlan taw a fulanin ndu o ipulu.»

O Kandɔɔ 17:16 Referans Kwoze

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

O Kandɔɔ 17:6

I co nɔm cuavaa-imamaa kuilul taw, mì vanaa-mangalaa-isɔɔa súúlan taw a fula o polale nɔmnden nin. Masaa bɛɛ a fulanin o polale nɔmnden nin.

1Piɛr 3:6

maa mɛɛ Sara ndóò bii sɔɛi Abraham-nde mó va ndu veeloo aa vana ni bɛndoo yɛ. Cuavaa ndaa imamaa niaa co ni, le tùú niaa co dɛnnda kɛndɛlan tosaa-o, te la tosa pɛ dɛnɛ kɛndɔɔ, mì siòòŋii bii niaa a ɲɛ-ɲɛ le.

Rɔmnda 9:9

Sɔɛi kpemɛi ken co hee ni aa: «A telenndo ho, i muungunin nanu, nduyɛ Sara sɔlanin hɔ́ɔ́ piaandoo.»

O Kandɔɔ 24:60

Má dɔaw Rebeka duaa, má dimul ndu aa: «Nɔm yema naa, màá siŋnun kala-mamaa le vannda vaalan o vaalan nin fɔ́! Màá polale fulanin o nɔm nin-nden le siŋnun polale kpaaya bɛndu, mì yaamɔaa ndaa cal nda o labɛngunin!»

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

Kalatea 4:23

Kɛ po nda velu nda lanɔ cɛɔ-vo ndu, a yeemɛi n'faluei ndu velun ni. O nda velu nda lanɔ va o ba ndɔɔ coo-o va hɔ́ɔ́ kpemaa ni.

O Kandɔɔ 17:15

Mí Hala dimul vɛlɛ Abraham aa: «Le Sarai laa nɔm yɛ, a bɛnda lɛ ma veelu ndu aa Sarai le, kɛ diola ndɔlan nin aa Sara.

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 21:1

Mí Mɛlɛka yiyan Sara coo mɛɛ ndu pila ndóò dimi yɛ, mó peelu kpema o yiilu ndu-o.

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

O Kandɔɔ 36:31

Masaa tosa masalen o lɛŋnde Edɔm-nden coo-a yɔŋnun haa ni, telen kon, hali masaa ndu pilɛ ndóò tosa vɔ masalen Israɛl te:

O Kandɔɔ 15:4

Mí Mɛlɛka dimul ndu aa: «Ɛ-ɛ, langbanɔ kon cuenin kɛ́ nɔmndo le. Hɔ́ɔ́ nɔm pila solinnin o ipulu-o cuanin kɛ́ nɔmndo ni.»