O Kandɔɔ 17:13 - BII BILA

¹³ Vanpiaandua kpow a bɛnda mà dii toomaa, o va poaa vialunnin o polale nɔmnden coo-a, o va vɛlɛ cɛa niaa piandunin a volion-nda, a bɛnda mà sɔla tuisio. Tɔɔmasele kpema ni vanin o dialii niɛi coo-o co kon ni. La bɛnda mì la va tosaa lende le fɛɛn a fɛɛn.

O Kandɔɔ 17:13 Referans Kwoze

Fulaa 12:44

Cɛa nda pendu-a nɔla mà de ɲɛdiaa kon, kɛ fɔ mà dii fɔlɔn toomaa.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

O Kandɔɔ 37:36

Mí yulaa kan Madian bɛɛ a kɔ pisi Yosɛf langbanɔ pilɛ o ba diolan Potifar, vana bɛndoo o va o masale Faraɔnnɔɔ nin ni. Ndu va bolle vanaa kándà masaa-a ni.

Matie 18:25

Le tùú ndóò nɔ ɲɛ le mun salaa loo, mí vana ndɔ bɛndoo dimi le ndu pila, laa ndɔ, cuavaa ndɔa a ɲɛ-ɲɛ ndóò ndɔ pisio, le kuee ndɔ kon salaa.

Nehemi 5:5

Nduyɛ, falun pilɔn naa n nɔ naa puapilɛa naa ni. Ɲɛ pilɔɔ cuavaa naa a cuavaa ndaa co ni. Kɛ nduyɛ n co poaa naa a cuavaa naa laandua malɔɔ o cɛlen nin, cuavaa naa laandua pum co nin lenin, n nɔ lɛ mɛ̀ɛ́-mɛ̀ɛ́ tosaa le. Le caanda ciɛɔn nan a nakɔla naala n'rɛsɛnndan la co nin ni.›

Fulaa 21:16

Te vanndo ciimbuu pɛ vanacieo, o bɛnda mò sɔla piɔ́mndo. Hali o pisi bɛɛ vanaciee o ciimbuu kon-ndo maa cɛ, te kon te a saalun bɛɛ vanaciee kalaa ndu o ba, vana ciimbuu ndu kon-ndo bɛnda mò sɔla piɔ́mndo kangalan.

Fulaa 21:4

Te vana ndɔ bɛndoo ke pɛ ndu lanɔɔ, mò velu cuawva a lanɔ kon, lanɔ kon a cuavaa kan a bɛnda mà lo le vana ndɔ bɛndoo, mì cɛ kon ndu sɔla hɔ́ɔ́yɛi ndɔɛi, mò kɔɛnnun ndu pilɛ.

Fulaa 21:2

Te la pendu pɛ cɛɔ, mì cɛ kon va Hebreenɔɔ, o bɛnda mò tosal vana pendu ndu-o baalaa o vɔsilan laŋɔmpum bɛngu. Kɛ o vɔsi ŋɔmmɛwndɔɔ, o sɔla hɔ́ɔ́yɛi ndɔɛi, o kɔɛnnun. O bɛnda mò sala ɲɛ-ɲɛ le baŋan ndɔ kon te.

O Kandɔɔ 39:1

Mɛɛ nda tiiya a Yosɛf o lɛŋnde Esipte len nin, mí Ismaɛlaa pendu ndu kan-nda pisi ndu vana bɛndu pilɛ o ba diolan Potifar, langbanɔ kon va bolle vanaa kándà masaa-a Esipte ni.

O Kandɔɔ 37:27

O co fisa mì n pisin ndu Ismaɛlla ha o ba. N diinun ndu le, kani pɔmbɔ naa o co ni. Kooma pilɛan naa n co naa ndaa ni.» Mí puapilɛa ndɔa cɛl sɔɛi o dimul nda-e.

O Kandɔɔ 15:3

Mí Abram dimi vɛlɛ aa: «A ke ya cua le, buɛi nuu le cuanin kɛ́ nuu le?»

O Kandɔɔ 14:14

Mɛɛ Abram tuei maa a bii po pɔmbɔ ndɔ-o má kɔannun a ndu, mó bɛɛndiaa vanaa cɔvaa velun o ndu lo cɛinin-nda kɛmɛ leyáá a tɔ́ a à ŋɔmaa. Mó diam masaa bii Lɔt-a háá Dan.

O Kandɔɔ 9:16

Ninginangaa hini pɛ o yumbuyumboo coo, mì tofa ndu, i loonun dɔ́ɔ́ a kpema ya yiilu ɲaa yoomaa o lɛŋnden coo le fɛɛn a fɛɛn-ndo.»

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Tɔŋ lasálàá 22:11

Kɛ te vana-solia-lasálàá nɔ pɛ cɛ o pendu a volion-ndo, te kon te mì vanndo velun o vana-solia-lasálà kon ndo cɛinin, vanaa kan nda nɔla ma de sálàla diandaalan.