O Kandɔɔ 17:10 - BII BILA

¹⁰ Kpema niaa bɛnda kon le biyɔɔ a mandaa niaa cuavaa nɔmaa imamaa-o co hoo ni: ɲɛ-ɲɛ co vanpiaandua o nɔm ndo cɛinin kpede, a bɛnda mà dii toomaa.

O Kandɔɔ 17:10 Referans Kwoze

Dɛnnda kiilaa 7:8

O kon kɔɔli, mí Hala yii kpemaa a Abraham, tɔɔmasele kpema kon co toomaa diyɔɔ ni. O kon mí Abraham vialu Isaak. Palɛi ŋɔmaa o kon kɔɔli, mó dii ndu tooma. Mí Isaak ndu vialu Yakɔb, mí ndu bɛɛ dii Yakɔb tooma. Mí Yakɔb ndu vialu fuɲaa naa mamaa tɔ́ a à ŋiɔnda, mó dii nda tooma.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

Yosue 5:2

O telen kon, mí Mɛlɛka dimul Yosue aa: «Cua pow kàlà-kálàá ma cɔw mɔɔn, ma dii lambi diinndɔ Israɛlla ha tooma.»

O Kandɔɔ 17:11

Kon vanin tɔɔmasele kpemaa naa tɛɛn naa niaa ni.

Efɛsea 2:11

La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Rɔmnda 3:28

Kani n co cɔu maa le laalanndo Hala ke vanacieo dí ni, o co le dɛnnda tɔŋndo le.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Rɔmnda 2:28

O co dɛnnda vana ca a lehɔltan te la tosa mì vana va Yuifinɔ le, o co vɛlɛ toomaa o diallon nin te cɔm ken te.

Nsaŋ 7:22

Moise dimul niaa le toomaa, kɛ o co dɔ́ɔ́ ndu o ba le o fula le, fuɲaa naa mamaa mel naa ndu ni, mì la va yɛ niko cɛlɔɔ le vannda toomaa diyɔɔ o paale pɛngiaalen coo.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Yosue 5:4

Telen Israɛlla va faŋanndo Esipte-o, vanpiaandua ndáà tiiya nin telen kɔaa o cɔwvo-a ndáà cii nin toomaa diyɔɔ, kɛ mí nda kpow a kei vu o lɛŋnde veselɛilen nin. A kei violɔn o lɛŋnde veselɛilen nin-nda ndáà dii-yɔ tooma le, lelan Yosue dii nda tooma ni.

Tɔŋ miingua 10:16

La dìí kɔlta niaalan tooma, la simùl lɛ Mɛlɛka le.

Fulaa 12:48

Te mial co icali niaa o bɛngu coo-o yeema pɛ le kafo-hiavaa-coo kon tosaa le Mɛlɛka biiloo, fɔ mì vanpiaandua o yungule ndɔlen nin kpow a dii fɔlɔn toomaa. O kon kɔɔli, o nɔla niko mò sɔɔnguu le kafoo tosaa maa Israɛlaa tɔ̀a. Te vanndo dii toomaa le, o dia le.

Fulaa 4:25

O kon, mí Sefora laa ndɔ cua pow luɛyaa tɛm-tɛmndo, mó dii po ndɔɔ tooma, mó piilian Moise pɔnɔ ndɔ bɛngulan a yáw o kelu kon o dialii kolaniŋii po ndɔɔ-e, mó dimul ndu aa: «Pɔnɔ makongoo n co le ya ni.»

O Kandɔɔ 34:15

Te la yeema pɛ mì n cɛl sɔɛi he, mɛɛ fɔ mì la dii fɔlɔn vanpiaandua niaa tɛɛn kpow tooma, mà siŋnun falennda maa naa.

O Kandɔɔ 17:23

Paale len, mí Abraham dii Ismaɛl po ndɔ tooma, mó tuisi vɛlɛ vanpiaandua velun o ndu lo cɛinin-nda a cɛa piaandua o pendu-a. Mí vanpiaandua va Abraham o ba bɛngu-a kpow a dii toomaa mɛɛ Hala dimul ndu le tosaa yɛ.

O Kandɔɔ 17:27

Paale len koni vanpiaandua velun o ndu lo cɛinin-nda a cɛa nda pendu mialla o ba a volion-nda bɛɛ a dii toomaa ni.

O Kandɔɔ 21:4

O paale ŋɔmaandɔlen, mó dii ndu tooma mɛɛ Hala dimul ndu le tosaa yɛ.

O Kandɔɔ 34:22

Kɛ nduyɛ, le vannda ha cɛlɔɔ mà cal naa tɛɛn, mì n siŋnun vanaa pilla naa ndaa, fɔ mì vanpiaandua naa tɛɛn kpow a dii toomaa maa nda.