O Kandɔɔ 17:1 - BII BILA

¹ Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 17:1 Referans Kwoze

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Efɛsea 3:20

Màá Hala co dɛnnda bɛndulan tosaa, mò va bɛɛ hiovɔɔ piɛile naalen a yiyannda naalan coo mɛɛ kpaaya ndɔ co naa nin-ndo co yɛ-o, sɔla biiloo vanaa laalannda tɛɛn a Yeesu Krista o kɔɔ o telenndan kpow nin a le fɛɛn a fɛɛn! Amiina!

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Condii lisai 116:9

Lelan mɛɛ mì kela ndu o hɔl o lɛŋnde ɲaa yoomaa co coo len coo.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Esai 38:3

«Éé Mɛlɛka! Loonun maa i kela nɔm o hɔl sakpo a kɔl nuu kpow, mí tosa ɲɛ co o kɛndɛ nɔm o hɔl-lo!» Esekia lo piɛilen lende, mó caŋ fúkpàà-fùkpàà, mí mɛmɛan ma toal ndu taw-taw.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

O Kandɔɔ 18:14

Yɛɛ nɛ kendu yɛ a Mɛlɛka? Tuma ya keinin o nɔm ndo ɲinasiaŋ-nde, Sara vialunin hɔ́ɔ́ piaandoo.»

Tɔŋ miingua 18:13

Lelan niaa, la va a mandaa le Mɛlɛka Hala niaa.

Matie 19:26

Mí Yeesu tofa nda, mó dimul nda aa: «Vanndacieea nɔla ken tosa le, kɛ Hala ndu nɔla dɛnndan kpow tosaa.»

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

1Masaa 3:6

Mí Salomɔn muli aa: «A yɔŋnun vana lo o lediom coo-o a vana nɔm baalaa, o co David fuɲa ni-o. A tosa kon le tùú o kela nɔm o hɔl o sakpoyɛi nin, o dɛnɛ sandaa nin a o toɲaa nin-ndo. Má lo o lediom coo a ndu, má ke ndu hɔ́ɔ̀, mí hɔ́ɔ́ kon va hau icali o kpɛŋɛ ndɔ lemasaa coo.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Hebreea 12:28

Lelan, le mɛɛ naa n sɔlanin masale hiilunnin te len yɛ, n sinàn kɛndɛi mì n melnun Hala balika, mì n tosalan ndu baalaa mɛɛ hɛnan ndɔɔ co yɛ, o siòònde a o ndu vou nin.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

O Kandɔɔ 12:1

Mí Mɛlɛka dimul Abram aa: «Faŋan o lɛŋnde nɔmnde n velun nin-nden nin, faŋan vanayan nɔmndon a yungu fuɲa nɔm-ndo ikɛi, ma kɔɛ o lɛŋnde ya co nɔm cɔm-nden nin.

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

Condii lisai 115:3

Hala naa co o halataala, o co hɛnan ndɔɔ kpow tosaa.

SƐBƐ YƆB-O 11:7

A nɔ o kɔl maa a nɔla yiyannda Hala lan kpede sinaa? A co yiyanndo maa a nɔla ma saalun peelɔn Hala nɔ Kpaayaa-Kpow-vo-o?

1Masaa 2:4

O kon Mɛlɛka peelunin sɔɛi o dimul-la-e aa: ‹Te cuavaa nɔmnda caa pɛ kelaa, taa kela pɛ ya o hɔl o sandei nin a kɔlta ndalan a á yiyannda ndalan kpow, le fɛɛn a fɛɛn, nɔm David, a folanin vana calnin o kpɛŋɛ lemasaa coo mò tosa masalen nɔm kɔɔli-o le.›

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

Kundalan 11:23

Mí Mɛlɛka ɲuna ndu aa: «Mò va maa hiwvo ba Mɛlɛka-o hiw bingilen ni? Nɔm pila co cɔ sisa te sɔɛi nii co peelɔn, te i co peelɔn te.»

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

1Masaa 8:25

Lelan, Mɛlɛka, Hala Israɛlla, peelu niko vɛlɛ sɔɛi nɔm óò dimul vana nɔm baalaa-e, David fuɲa ni pɛɛn. Kani mí nɔm óò dimul ndu aa: ‹Te cuavaa nɔmnda mandan pɛ, mà kela o nɛila nilan coo mɛɛ nɔm pila tosa yɛ, mɛɛ a folanin vana muungunin o fonda nɔmndo, mò cal o kpɛŋɛ nɔm lemasaa nin le masalen tosaa Israɛlla coo-o le.›

O Kandɔɔ 16:16

Tuma Akar vilul kon Abram hɔ́ɔ́-o, Abram ndóò nɔ vɔsilan belaŋɔmaa a laŋɔmpum.

O Kandɔɔ 5:22

Mɛɛ o velu Matusalɛm, mó tosa vɛlɛ vɔsilan kɛmɛ leyáá o diom pilɔɔ nin nda Hala, mó vialu cuavaa celen: a piaandua a à laandua.

O Kandɔɔ 24:40

Kɛ mó dimul-la aa: ‹Hɛnan Mɛlɛka-o ya tiindan lɔ́ɔ́-lɔ́ɔ̀ coo ni. Lelan, Mɛlɛka co nɔm mɛlɛkanɔ ndɔɔ vomɔɔ laci, mò toosiaa sɔɛi kalɛi, haliko ma sɔla lanɔɔ le po nuu o vanayan nun tɛɛn a o polale fuɲa nuu nin.

O Kandɔɔ 26:2

Mí Mɛlɛka cɔmnun ndu, mó dimul ndu aa: «Kɔa o lɛŋnde Esipte len nin te. A saa pɛ a cal o lɛŋnde ya co nɔm cɔm-nden nin.

O Kandɔɔ 43:14

Màá Hala Vana-Kpaayaa-Kpow tosa mì langbanɔ kon ce niaa ɲia telen niaa tiiyanin o ndu lo-o! Màá o mingul niaa Simeɔn mò mal vɛlɛ niaa hunɔɔ a Bɛnyamɛn! Le ya yɛ, te o va pɛ maa hiɔlɔnndo koni cuawva ha hɛlun ya nuaa ni, mɛɛ o va lende.»

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

O Kandɔɔ 48:3

Mó dimul Yosɛf aa: «Paale pilɛ, mí Hala Vana-Kpaayaa-Kpow cɔmnun ya nɛɛ ya va Lus o lɛŋnde Kanaan-nden nin-nda, mó dɔaw ya duaa.

Kundalan 24:16

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya sina dɛnɛ sinaa Ó-Hiow-Ɲɔɔn-Kpow-vo ni! Ya ca vundule Vana-Kpaayaa-Kpow len-ndo co sɔɛi nuaa ni. Ya del lɛŋ mì ca sɔɔn viannanndon ni.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.