O Kandɔɔ 16:8 - BII BILA

⁸ Mó ɲuna ndu aa: «Akar, cɛ Sarai-yo, kuɛɛ n cɛn yɛ? Kuɛɛ n co yɛ kɔlan?» Mó muli aa: «Sarai vana ni bɛndu ya co ɲaanɔnndo ni.»

O Kandɔɔ 16:8 Referans Kwoze

O Kandɔɔ 3:9

Mí Mɛlɛka Hala veelu vanapɔnɔɔ, mó ɲuna ndu aa: «Kuɛɛ nɛ n co yɛ?»

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

Vana Kɔlkaloo 10:4

Te vana nɔm bɛndoo tambu pɛ kɔl a nɔm, faŋan o fonda nɔm baalaa le. Kani meiyo mala vana le biondɔnnda bɔɔ-bɔɔ kpakpalaa.

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.

O Kandɔɔ 16:4

Mí Abram bɔŋa nda Akar, mí Akar cua folio. Mɛɛ o ce maa o co hunɔɔ violɔɔ, mó kandu Sarai vana ndɔ bɛndu tɛɛndanndo.

O Kandɔɔ 16:1

Sarai, lanɔɔ Abram ndóò vilul Abram hɔ́ɔ́ le. Kɛ ndu Sarai ndóò nɔ cɛ laandoo pum o ba diolan Akar, Esiptenɔɔ o va ni.

O Kandɔɔ 16:9

Mí mɛlɛkanɔ Hala-o dimul ndu aa: «Muungu vana nɔm bɛndoo o ibuŋ, mà kɔ tuisin ndu o labɛngunin.»

1Masaa 19:9

Elii ndóò tiiyaa Horɛb lon, mó luɛi o buululan nin, mó lɔl lon. Icɔl kon, mí Mɛlɛka soaa o ndu lo, mó ɲuna ndu aa: «Elii! Yɛɛ nɛ n hin yɛ tosa nanu?»

1Masaa 19:13

Elii tueyɔɔ dɔ́ɔ́ diom kon, mó kuumbun doma ndɔ bɛndoo o hɔl, mó fula, mó sim o buululan sondoo. Mó tuɛi diomndo pum aa: «Elii! Yɛɛ nɛ n hin yɛ tosa nanu?»

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

Masaa kialaa n'yamaa 19:17

Mó tofa, mó ca langbanɔ va kon o kela kon nin-ndo o falii kobi kon, mó ɲuna ndu aa: «Kuɛɛ n cɛn yɛ? Kuɛɛ n co yɛ kɔlan?»

2Masaa 5:25

O kon mí Kehasi kɔa nɛɛ Elise vana ndɔ bɛndoo va-a, mí Elise ɲuna ndu aa: «Kehasi sei, kuɛɛ nɛ n va yɛ?» Mó muli aa: «Buɛi nɔmndo ve nɛɛ-nɛɛ le.»