O Kandɔɔ 16:2 - BII BILA

² Mó dimul Abram pɔnɔ ndɔ aa: «Fallo, nɔm pila ce maa Mɛlɛka siinguu ya vana vilu loo. Lelan, lueinun cɛ ni laandoo ho coo, bɔɔle mì ndu vilul-la hɔ́ɔ̀.» Mí Abram cɛl sɔɛi laa ndɔ dimul ndu ken-nde.

O Kandɔɔ 16:2 Referans Kwoze

Fulaa 21:4

Te vana ndɔ bɛndoo ke pɛ ndu lanɔɔ, mò velu cuawva a lanɔ kon, lanɔ kon a cuavaa kan a bɛnda mà lo le vana ndɔ bɛndoo, mì cɛ kon ndu sɔla hɔ́ɔ́yɛi ndɔɛi, mò kɔɛnnun ndu pilɛ.

O Kandɔɔ 18:10

O kon mí o pilɔɔ dimul ndu aa: «A boondei he ɲinasiaŋ, i muungunin o nɔm ndo nanu, nduyɛ Sara laa nɔm co hɔ́ɔ́ piaandoo violɔɔ a telen kon.» Sara va nilan yaŋɔɔ o cɛi-kola-toandaa dio, mó tuɛi sɔɛi ken.

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

O Kandɔɔ 30:22

Mí Hala yiyan niko Rasɛl coo, mó muli piɛile ndɔlen. Mó nɛŋi ndu ipulu.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

O Kandɔɔ 20:18

Kani Mɛlɛka ndóò cii nin vanlaandua va o Abimelɛk lo cɛinin-nda kpow violɔɔ tɛɛmbuu o n'dial le hiɔlɔɔ ndóò hɛlu kon Sara, lanɔɔ Abraham-ndo.

O Kandɔɔ 17:16

I co ndu duaa dɔvɔɔ mò vilul nɔm hɔ́ɔ́ piaandoo. I co ndu duaa dɔvɔɔ mo siŋnun kala-mama vanaa-mangalaa-isɔɔa súúlan taw. Masaa súúlan taw a fulanin ndu o ipulu.»

O Kandɔɔ 3:12

Mí vanapɔnɔɔ mulul ndu aa: «Vanalanɔ n yɔngu ya le vaa vana ni malaa-o, ndu yɔngu ya kɔmnde yɔm kon ni, mí dia.»

O Kandɔɔ 30:6

Mí Rasɛl yonda aa: «Hala ke ya di. Kani o mulul-la piɛilen mó ke ya hɔ́ɔ̀.» Lelan o ke hɔ́ɔ́ kon diolan ni aa Dan (kon co dimio ni aa «Yamanɔɔ»).

O Kandɔɔ 19:31

Paale pilɛ, mí cua ndɔ tasoo dimul pɔmbɔ ndɔ aa: «Fuɲa naa yuuva nin taw, nduyɛ vanapɔnɔ celen co o lɛŋnden nden nin le vaa a naa mɛɛ vanndacieea kpede a bɛnda le tosaa yɛ le.

O Kandɔɔ 11:30

Sarai ndóò vilu hɔ́ɔ́ le, kani o ve vana vialaa le.