O Kandɔɔ 16:15 - BII BILA

¹⁵ Mí Akar vilul Abram hɔ́ɔ́ piaandoo, mí Abram ke ndu diolan aa Ismaɛl.

O Kandɔɔ 16:15 Referans Kwoze

O Kandɔɔ 25:12

Diola cuavaa-imamaa Ismaɛl-la la co lan ni, po Abraham velu nda Akar-o, buɛi laandu Esiptenɔ va Sara o ba-o pɛɛn.

1Dɛnnda lemasalan 1:28

Poaa Abraham-nda yɔŋnun Isaak nda Ismaɛl ni.

O Kandɔɔ 37:27

O co fisa mì n pisin ndu Ismaɛlla ha o ba. N diinun ndu le, kani pɔmbɔ naa o co ni. Kooma pilɛan naa n co naa ndaa ni.» Mí puapilɛa ndɔa cɛl sɔɛi o dimul nda-e.

O Kandɔɔ 28:9

Le hee, mó kɔa o Ismaɛl lo, po Abraham-ndo pɛɛn, mó kɔ yil Mahalat cua ndɔ, yemaa Nebayɔt o nɔ̀u, mó handu vɛlɛ kon o laandaa celeŋaa ndóò nɔ nin-nda coo.

O Kandɔɔ 25:9

Mí poaa ndɔa, Isaak nda Ismaɛl a kumbu ndu o buululan nin Mak-pela, o lɛŋnde Efrɔn-nden, po Sohar Hitiinɔ-o pɛɛn. Lɛŋnde va len Mamre ikɛi len.

O Kandɔɔ 17:20

Le Ismaɛl-lɛ, i tuei piɛile n piɛi le ndu len. I co ndu duaa dɔvɔɔ mì yɔngu ndu cuavaa-imamaa taw. O kuinin ipulu, polale ndɔlen le vanin sɛ́lɛ́. I vangalanin cuavaa ndɔa imamaa. Langbaa kɛsun kálàá tɔ́ a à ŋiɔn a fulanin ndu nin. I siinguunin ndu fuɲa-mamaa le vanaa-mangalaa-isɔɔa sɛ́lɛ́ bɛndoo.

O Kandɔɔ 17:18

Mó dimul Hala aa: «Ya ya, ɲɛ ya yeema nɔm o ba-o co ni, nɔ́ hɔlten Ismaɛl coo mà dɔw ndu duaa.»

O Kandɔɔ 16:11

Foli n nɔ hoo-o, vanapɔnɔɔ n co violɔɔ ni, mà ke ndu diolan aa Ismaɛl (kon co dimio ni aa ‹Hala tuɛi›), kani Mɛlɛka tuei nɔm kuŋndan o sanga nɔmndo nin.

O Kandɔɔ 16:14

Lelan nda ke soon kólaa kon diolan ni aa: soon kólaa Vana yoomaa co ya cɔu-vo. Kadɛs a Berɛd tɛɛn soon kon co ni.

O Kandɔɔ 16:16

Tuma Akar vilul kon Abram hɔ́ɔ́-o, Abram ndóò nɔ vɔsilan belaŋɔmaa a laŋɔmpum.