O Kandɔɔ 15:5 - BII BILA

⁵ O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

O Kandɔɔ 15:5 Referans Kwoze

Hebreea 11:12

Lelan fuɲa-mama pilɔɔ, Abraham ndóò nɔla lɛ hoo hɔ́ɔ́ violɔɔ loo, mó vialu cuawva sɛ́lɛ́ bɛndoo maa loeon o halataala, te kon te maa siòònndon o mɛmma ihɛllan kɔngɔ, vana nɔla nda cɔm te.

Rɔmnda 4:18

Tiindan kɛ́-kɛ̀ ve lɛ le, kɛ mí Abraham tiindan. Mó laalan Hala, le ken o siŋnun «fuɲa-mamaa le vanaa-mangalaa-isɔɔa bɔɔ-bɔɔ» ni, maa mɛɛ ndíì dimulun ndu yɛ aa: «Lende cuavaa nɔmnda vanin sɛ́lɛ́ ni.»

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

Condii lisai 147:4

O co loeon cɔmndo, o ke ikɛ́-kɛ̀ diolan.

1Dɛnnda lemasalan 27:23

David sɛva langbaa felengia áà nɔ vɔsilan bidiin-nda a langbaa áà tiiya vɔ bidiin te-a diolan te. Kani Mɛlɛka ndóò yii kpemaa le Israɛlla kuiyo maa loeon o halataala.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 16:10

Mó dimul ndu vɛlɛ aa: «I co nɔm cuavaa-imamaa yɔngu, a vanin sɛ́lɛ́ bɛndoo taw, vana nɔlanin nda cɔmndo le.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 17:2

I yiinin kpemaa a nɔm mì kuilul nɔm polale nɔmnden taw-taw.»

Yosue 24:3

Mí faŋa Abraham fuɲa niaa mama nɛɛ o va icali peo leeloo-a, mí yaa ndu o lɛŋnde Kanaan-nden nin, mí keeliaa ndu lenin kpow, mí soli cuawva sɛ́lɛ́ bɛndoo ndu o ipulu, mí yɔngu ndu Isaak.

1Masaa 3:8

Nduyɛ, ya vana nɔm baalaa, i co vanaa nɔm pila hɛli-a tɛɛn, vanaa kan yɛ, vana cii nda sina le, a cuu vɛlɛ cɔm te, kani a co sɛ́lɛ́ taw.

Nehemi 9:23

Má ke nda cuawva sɛ́lɛ́ bɛndoo maa loeon o halataala. Má kɔa a nda o lɛŋnde Kanaan-nde nɔm óò vem fuɲaa ndaa mamaa le len hiɔlɔɔ len nin.

SƐBƐ YƆB-O 35:5

Tofa vɔ halataalaa mà mɛɛndan yumbuyumboo, mɛɛ o connun nɔm coo pɔ́-pɔ́ yɛ.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

O Kandɔɔ 32:13

Nduyɛ nɔm dimul-la ni aa: ‹I co nɔm dɛnɛ kɛndɔɔ tosal mì kuilul nɔm cuavaa-imamaa, mà va sɛ́lɛ́ maa sióónndon o mɛmma ihɛllan kɔngɔ, vana-vana nɔlanin nda cɔmndo le.›»