O Kandɔɔ 15:2 - BII BILA

² Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

O Kandɔɔ 15:2 Referans Kwoze

Dɛnnda kiilaa 7:5

Hala ke ndu lɛŋnde len mì le va ɲɛ ndɔ le, hali nɛɛ kɛsiaa ipelu bɛɛ o ke ndu le. Kɛ mó dimul ndu maa o hun kenin ndu lɛŋnde len kɛ́ɔ, ndu a cuavaa ndɔa imamaa. Nduyɛ o telen kon, Abraham ndóò nɔ vɔ hɔ́ɔ́ le.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

Esai 56:5

i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.

Talelan 17:2

Buɛi nɔ taasio-o cuanin fonda hɔ́ɔ́ soli vana lasiɛmbu loo, mò sɔla kɛ́ ndɔɔ o yungu kon tɛɛn.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

1Samiɛl 1:11

Mí Anɛɛ cua ciɛ́ɔn o Mɛlɛka lo, mó dimi aa: «Mɛlɛka-Nɔ-Kpaayaa-Kpow-vo, tofa vɔ dɛnɛ palaa ya co nin-ndo. Pɔɛɛnun ya le. Tuinun ya iɲíí mà ke ya poo. A yɔngu ya pɛ ndu, i yɔngunin ndu le baala nɔmndo, mò tosal nɔm baalaa le lɔ́ɔ́-lɔ́ɔ̀. Yiiŋii ndɔɛi kilunnin le fɛɛn a fɛɛn te.»

O Kandɔɔ 44:1

Mí Yosɛf dimul vana va cɛi ndɔɔ hɔlten coo-o aa: «Vowlul vannda ha ɲɛdiaa o bɔlɔla ndalan nin mà pei lan cá-cá, mà mingul nda volin ndan vowlul o bɔlɔla ndalan sondoo.

O Kandɔɔ 43:19

Má sɔɔnguu vana va cɛi Yosɛf-o hɔlten coo-o ikɛi o cɛiyo sondoo,

O Kandɔɔ 24:10

Mó cua ɲɔɔmɛaa Abraham-nda tɔ́ a ɲɛm kɛndɛ-kɛndɔn taw. Mó can, mó bii nɛiyo le kɔlan o ciee Nahɔr-o nin o lɛŋnde Mesopotamii len nin.

Talelan 13:12

Vanndo hiw pɛ ɲɔɔ pum viovɔɔ cumndo, o tambu kɔllo. Kɛ maa yɔm cindaa yeemɛi peelun-nde co ni.

O Kandɔɔ 39:9

O hiw lɛ ya ivanabɛnduya cɛinin nanu le, o tuŋ ya ɲɛ-ɲɛ celen te, fɔ nɔm, kani laa ndɔ n co ni. Le yɛɛ nɛ ya tosa yɛnin dɛnɛ kɔlvesɛi bɛndu vaa lende mì cua hakio a Hala?»

O Kandɔɔ 24:2

Paale pilɛ, mó dimul buɛi ndɔ viow nin ndu o ba taw-vo, ó va hɔlten o ɲɛm ndɔn sɔlan kpow coo-o aa: «Luéi ba nɔmndo o lɔlu nuu bɛngu,

O Kandɔɔ 14:15

Mɛɛ o bendal nda, mó piɔw vanaa ndɔa cɔwva kundalan, má del yaamɔaa ndaa kan coo o ɲumndan nin, má tiw nda ba. Má lo nda kɔlan a soŋɔɔ háá Hoba, Damas a ba luaŋ-ndo.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 15:3

Mí Abram dimi vɛlɛ aa: «A ke ya cua le, buɛi nuu le cuanin kɛ́ nuu le?»

Esai 17:1

Sɔɛi Mɛlɛka dimi le tambii Damas-e-e co hee ni: O lo ɲɛ-pɔmbɔ cobe, Damas ve lɛnin kobi le, kɛ o siŋnunnin bémbélan kposon!

Yeremi 49:23

A Damas o kɔɔ. Kobio Hamat a kobio Arpad a tuei yoongu vɔɔndo pum. Siɛmbulan la bii kobila lan. A muungu yulan-yulan maa mɛmma ihɛlma biiŋuamma nɔla calle le-an.

Ruti 2:6

Mí langbanɔ kon mulul ndu aa: «Cua Moabunɔ Noemi hin kɔɔli fulaa o lɛŋnde Moab len nin-ndo ni.