O Kandɔɔ 15:16 - BII BILA

¹⁶ Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

O Kandɔɔ 15:16 Referans Kwoze

1Masaa 21:26

Mó tosa dɛnnda nɔɔlɛi-nɔɔlɛilan a piɔmnda sooloo mɛɛ Amoriaa Mɛlɛka tow, mó mingi Israɛlla o fonda ndaa-a va tosaa yɛ.

Daniɛl 8:23

O masale ndalen mɛɛlulan, telen vanaa lahakia kuinin taw-taw-vo, masa celen sulnin, ó nɔnin yongaa a kɔlvesɛiyo le vannda palaa-o.

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Fulaa 12:40

Israɛlla tosa vɔsilan kɛmɛ lehiɔɔlu a beleyaa o lɛŋnde Esipte len nin.

O Kandɔɔ 15:13

Mí Mɛlɛka dimul ndu aa: «Sina pɛngu maa cuavaa nɔmaa imamaa kɔ calnin fɛɛn o sumialle o lɛŋnde pilalen nin. A siinguunin nda cɛa lon ma bɛpɛla nda o vɔsilan kɛmɛ lehiɔɔlu bɛngu.

Tɔŋ lasálàá 18:24

Niaa pila nɔɔlian a dɛnnda vaa lende tosaa le. Sɔɔn nɔɔlɛin mun koni vanaa ya co tovɔɔ niaa laci-a va tosaa ni, má nɔɔlian ya Mɛlɛka o hɔl.

2Masaa 21:11

«Le tùú Manase masaa Yuda tosa dɛnnda nɔɔlɛilan ndan, mó tosa dɛnɛ vɔɔndo hiovɔɔ Amoriaa va lon o tasendɔ-a coo-o, le tùú o luei vannda Yuda balan o hakilan nin a piɔmaa ndɔa-o,

O Kandɔɔ 10:16

Hɛt va fuɲa-mama Yebusiia, Amoriia, Kirkasiia,

O Kandɔɔ 48:21

O kon kɔɔli, mí Israɛl dimul Yosɛf aa: «Piɔ́m nuu bendu lɛ le. Kɛ Hala co va niaa ikɛi, mò mingi niaa o lɛŋnde fuɲaa niaa mamaa nin.

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 13:4

Hau niaa co fula o lɛŋnde Esipte len nin ni, o paangii Abib-e he nin.

Tɔŋ miingua 9:4

Te Mɛlɛka Hala niaa puu pɛ nda lɛŋnden o ba mò yɔngu niaa len, la dimi le aa: ‹Le tùú naa n co vanaa sandaa-o Mɛlɛka hin a naa le lɛŋnden-nden hiɔlɔɔ ni.› O co le sandii niaa le, kɛ le mɛɛ vanaa-mangalaa-isɔaa kan laasian a yɔŋ vɔɔndo yɛ o co nda tovɔɔ niaa laci ni.

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Condii lisai 105:43

Mó soli vanaa ndɔa o lɛŋnde len nin, mí vanaa o hɛli-a viaw kponyoo.