O Kandɔɔ 15:15 - BII BILA

¹⁵ Le nɔm Abram yɛ, a co yuuva a kɔlkɛndɔɔ ɲɛkɛndɛi, mà komal fuɲaa nɔmnda a kɔlɲuloo ciee-piɔ́m.

O Kandɔɔ 15:15 Referans Kwoze

SƐBƐ YƆB-O 5:26

A toalnin o sɛiyo nin a yoomuan o n'dial ɲɛkɛndɛi, mɛɛ vana dii malun latumbun vesa ɲɛkɛndɛi-yon kundaa nuaa yɛ.

2Dɛnnda lemasalan 34:28

Le hee, Mɛlɛka o co ndu yɔɔ fuɲaa ndɔa coo ciee-piɔ́m, mò sɔla kumbɔɔ o kɔlɲuloo nin. O cinin dɛnɛ palaa Mɛlɛka tuisinin o fondaa ho coo a vanaa co lenin-nda coo-o a lehɔl te.›» O kon mí vanaa masaa vem kan-nda muungu, má kɔ tɛɛngul ndu diom kon.

Kundalan 27:13

A cii pɛ len mɛɛndan kpede, a dem fuɲaa nɔmaa mamaa ciee-piɔ́m maa Aarɔn bɛ nɔm.

Daniɛl 12:13

Nɔm Daniɛl-lɛ, lo lecoo háá ma kɔ pɛngi ciee-piɔ́m. O kon kɔɔli, a tendulnin o telen mɛɛlaa le vɔ̀ngɔ̀ nɔmndo a kɛ́ nɔmndo sɔlaa.›»

Dɛnnda kiilaa 13:36

Nduyɛ, David ciiyo Hala baalaa tosallo mɛɛ ndu Hala ndóò tuu yɛ, mó vu, má kumbu ndu fuɲaa ndɔa mamaa ikɛi, mó sia.

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

SƐBƐ YƆB-O 42:17

O kon, mó yuuva kudɛɛ-kudɛɛ malan o vu.

1Dɛnnda lemasalan 29:28

Mí David sɔla yuuvɛi kɛndɛi, mó tosa palɛi taw-taw, o kon mó vu o bolofaa a o biiloo nin. Mí Salomɔn po ndɔ koma sul masaa o fonda ndɔɔ.

Masaa kialaa n'yamaa 2:10

Mí vanaa nda va lambi pilɔɔ-a kpow diam fuɲaa ndaa ciee-piɔ́m, mí lambi celen koma can nda kɔɔli, ndáà sina Mɛlɛka le, ndáà sina vɛlɛ ɲɛ Mɛlɛka tosal Israɛlla-o le.

O Kandɔɔ 49:29

O mɛɛlulan niko, mí Yakɔb sila nda aa: «I co vu mì dem fuɲaa niaa mamaa vi-a ciee-piɔ́m. I vi pɛ, la kɔ kumbu ya vanaa nia banaa ikɛi o buululan nin, o yondo Efrɔn Hitiinɔ-o nin.

Kundalan 20:24

«O lo ɲɛ-pɔmbɔ mì Aarɔn dem vanaa ndɔa ciee-piɔ́m. O lueinin o lɛŋnde ya yɔngu Israɛlla len nin te, kani la sɛɛngiaa ya a dɛnɛ mɛnndan Meriba o kɔɔ.

O Kandɔɔ 35:29

mó vu. O yuuva fɔlɔn taw malan o diam fuɲaa ndɔa ciee-piɔ́m. Mɛɛ o vi, mí poaa ndɔa Esau nda Yakɔb a kumbu ndu.

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

Condii lisai 37:37

Mɛɛndan vana toɲaa, dɔw vana dendu kɔllo-o taasi. Dɛnɛ kɛndɔɔ co le siɔdii laci vana kɔlɲuloo.

1Dɛnnda lemasalan 23:1

Lɔ́ɔ́ David yuuva taw-taw-o, mó suili Salomɔn po ndɔ masaa Israɛlla coo.

O Kandɔɔ 50:13

Má kɔa a ndu o lɛŋnde Kanaan-nden nin, má kɔ kumbu ndu o buululan nin Mak-pela, buulula Abraham muulian piondɔɔ a lɛŋnden latulu Efrɔn Hitiinɔ o ba le vanvílɛ́iya kumbɔɔ lan pɛɛn, la va Mamre o hɔl-ndɔ lan.

O Kandɔɔ 49:31

Lon nda kumbu Abraham nda Sara laa ndɔ ni. Lon koni nda kumbu vɛlɛ Isaak nda Rebeka laa ndɔ ni. Lon ya kumbu vɛlɛ Lea laa ni ni.

O Kandɔɔ 23:19

Le hee, mí Abraham kumbu Sara laa ndɔ o buulula lan nin Mak-pela lon, Mamre ikɛi, Hebrɔn pɛɛn, o lɛŋnde Kanaan-nden nin.

O Kandɔɔ 23:4

«I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

O Kandɔɔ 47:30

Te i dem pɛ fuɲaa niaa mamaa vi-a ciee-piɔ́m, a faŋa ya Esipte, a kɔ kumbu ya nda ikɛi.» Mí Yosɛf dimi aa: «I co tosa mɛɛ n yeema yɛ.»

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Condii lisai 49:19

Hali o va bɛɛ kulanndo telen o co yoomu-o, mì vannda va ndu candɔɔ le ceen ndɔ kɛndɔɔ,