O Kandɔɔ 15:14 - BII BILA

¹⁴ Kɛ i dɔawnin vanaa-mangalaa-isɔaa nda vanin o ba o cɛlen nin-nda yɛɛvɛ. O kon mì cuavaa nɔmaa imamaa faŋan o lɛŋnde len nin, mà hin a ɲɛ-sɔlaa taw.

O Kandɔɔ 15:14 Referans Kwoze

1Samiɛl 12:8

Lɔ́ɔ́ Yakɔb kɔɛ Esipte-o, mí fuɲaa niaa mamaa koŋul Mɛlɛka o lani le nda baŋaa. Mí Mɛlɛka vim nda Moise nda Aarɔn le nda solio Esipte, má hun cal o lɛŋnden nden nin.

Condii lisai 135:14

Kani Mɛlɛka kialunin vanaa ndɔa iyama, o tuinunnin vanaa ndɔa baalaa iɲíí.

Yosue 24:17

Kani Mɛlɛka co Hala naa ni. Ndu soli naa a fuɲaa naa o cɛlen nin Esipte ni. Ndu koni tosa dɛnnda kɔndɔfilta bɛndula naa n ce lan ni. Ndu kanda naa o tiŋ vilɛi naa n kei nin-ndo nin a á vanaa naa n kei tɛɛn-nda kpow ni.

Tɔŋ miingua 6:22

Mó tosa kaamaalan a sɔɔn kɔndɔfillon naa o hɔl, mó dɔaw lɛŋnde Esipte len, Faraɔnnɔɔ pila a cɛi ndɔɔ kpow yɛɛvɛ.

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Condii lisai 135:9

Mó cuu tɔɔmaselelan a dɛnnda kɔndɔfiltan niaa Esiptea tɛɛn, le masaa a vanaa baalaa ndɔa kpow cɔlɔbaa.

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Fulaa 3:10

Lelan, nɔm Moise, i vem nɔm o Faraɔnnɔɔ lo sunsun. Kɔ ma kɔ soli yungu nuu o sanga kon nin Esipte, Israɛlla pɛɛn.»

Condii lisai 105:42

Kani mí Hala yiyan a kpema diandaa ndɔɔ o kɔɔ, kpema o yiilu Abraham, vana baala ndɔɔ-o.

O Kandɔɔ 48:21

O kon kɔɔli, mí Israɛl dimul Yosɛf aa: «Piɔ́m nuu bendu lɛ le. Kɛ Hala co va niaa ikɛi, mò mingi niaa o lɛŋnde fuɲaa niaa mamaa nin.

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

Fulaa 12:29

Mɛɛ di-tɛɛndo tɛnda, mí Mɛlɛka lɔaa poaa tasea o lɛŋnde Esipte len nin kpow: kandɔɔ a po tase Faraɔnnɔ va masalen tosaa Esipte-o, kɔ bii a po tase vana kaaso va o kindaa-o, a cɔlua piaandua tasea.

Dɛnnda kiilaa 7:7

Kɛ i kialunin vanaa-mangalaa-isɔɔa nda vanin o ba o cɛlen nin-nda iyama. O kon kɔɔli, a fulanin o lɛŋnde len nin, mà hun biilu ya o fondaa ho.›