O Kandɔɔ 15:1 - BII BILA

¹ Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 15:1 Referans Kwoze

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 119:114

Nɔm co nɛɛ nia viannannda a kɔ̀ɔ̀ cɔw nuu ni. I tiindan sɔɛi nɔmnde.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Cɛɛŋɔnnda Yeremi lan 3:24

Kɔl nuu dimi aa: Mɛlɛka co kɛ́ nuu ni, lelan ya co ndu cumndo ni.

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Condii lisai 5:12

O kon, mì vanaa co vionnɔnndo nɔm o ibuŋ-nda a dɔwnun ɲaale. Mà va yondaa a kɔlkɛndɔɔ le lɔ́ɔ́-lɔ́ɔ̀. Mì vanaa kaola nɔm-nda kpow a soli condon a ɲaaloo. Nɔm co nda kandaa ni.

Condii lisai 18:2

I kaola nɔm Mɛlɛka, nɔm co kpaayaa nuu ni.

Ruti 2:12

Màá Mɛlɛka mingul nɔm dɛnɛ kɛndɔɔ le dɛnɛ kɛndɛ nɔmndo! Màá Mɛlɛka Hala Israɛlla, o n hin vionnɔnndo o kumbanndo bɛngu-o cɔ nɔm ɲia, mò mingul nɔm dɛnɛ kɛndɔɔ!»

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Condii lisai 142:5

Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

Condii lisai 3:3

Vanaa bɔɔ-bɔɔ co dimio a ya o kɔɔ aa: «Daama ni! O sɔla lɛnin cindaa Hala ndɔɔ o ba le.»

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

Luke 1:30

O kon mí mɛlɛkanɔɔ dimul ndu aa: «Yɔŋ isiòòn te Mari, kani Hala ce nɔm ɲia.

Condii lisai 58:11

Vana sandaa dɔawnunnin ɲaale, kani o canin Hala vanaa kɔlvesɛiya màá mingullo, o kon mò kela o kooma ndan nin.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Condii lisai 27:1

Condii David-e. Mɛlɛka co ɲɛ-tengaa nuu a vana ciindiaa nuu ni, á nɛ̀ɛ́-nɛ̀ ya nɔ yɛnin siòònde? Mɛlɛka co yoomu nuu kandaa ni, á nɛ̀ɛ̀ ya buulan yɛnin?

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Condii lisai 91:4

O kuumbuunin nɔm a kumbannda ndɔlan, mà vennun o bɔɔla ndɔlan bɛngu. Toɲa ndɔɔ vanin kɔ̀ɔ̀ cɔwvo a kpakio le nɔm ni.

Tɔŋ miingua 31:6

Lelan, la lueinun yoomuan mì la sim yili. Siòòŋii bii niaa le. La ɲiiya nda o hɔl te. Kani Mɛlɛka Hala niaa pila co va kɔlan a niaa latulu, o faŋannin niaa ikɛi le, o melnin niaa le.»

Esekiɛl 3:4

Mó dimul-la aa: «Po vanacieo sei, kɔ o cuavaa Israɛlla lo, mà kɔ tɛɛngul nda sɔɔn nun!

Esai 44:2

Mɛlɛka toosiaa niaa-o, vana cɔw niaa kabi o dembelan nin mó va niaa malaa-o dimi aa: «Siòòŋii bii niaa le ɲɛ-ɲɛ le, niaa cuavaa vana ni baalaa Yakɔb-a, niaa polale Yesurun-nde ya hɛli len.

Esai 43:1

Kɛ sunsun, nuaa Mɛlɛka o cɔw niaa cuavaa-imamaa Yakɔb-a-o, o toosiaa niaa polale Israɛl-ten-ndo dimi ni aa: «La yɔŋ isiòòn te, kani i cii niaa baŋa, i co niaa veeloo a diola niaalan, le ya niaa co ni.

Esai 35:4

La dimul vanaa kɔltan la hiilun nin-nda aa: «La lueí yoomuan, siòòŋii bii niaa le! La tofa vɔ, Hala niaa co hunɔɔ le màá mingio a le vana-vana sala dɛnnda ndɔlan keo. Ndu pila hunnin le niaa ciindiaa ni!»

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

1Korɛntea 3:22

O va Pol, o va Apolɔs, te kon te Piɛr, o va ceendo, o va yoomoo, o va piɔ́mndo, o va ɲɛm n co sunsun-ndon, o va n co hunɔɔ-on, mun kpede le niaa n co ni.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Talelan 30:5

Sɔɔn Hala-on kpow n co n'diandaa valan. Ndu co kɔ̀ɔ̀ cɔwvo le vanaa viannun ndu o ba bɛngu-a kpow ni.

Condii lisai 84:9

Tuei piɛile nilen Mɛlɛka, Hala-Nɔ-Kpaayaa-Kpow-vo! Éé Hala Yakɔb-o, yaŋ ya nilan!

1Samiɛl 9:9

Paandu, o lɛŋnde Israɛl-ten nin, te vannda ndáà yeema pɛ le Hala isɔɔ ɲuna, nuaa ndáà dimi ni aa: «N kɔnnun o vana sina sɔɔn viannanndon-ndo lo.» Vana-tɛɛngaa-diom Hala-o paalen nden hau ndáà veelu lɔ́ɔ́ kon ni aa vana sina sɔɔn viannanndon-ndo.

Esekiɛl 11:24

Mí kɔl Mɛlɛka-o cua ya, mó yaa ya o vanaa co o biyɔɔ nin-nda lo. Mí vundule ya va len cɔu len le faŋan ya, mí le lo ya o hɔl.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Esai 44:8

Lelan, la yɔŋ isiòòn te, la ɲííyà le. Kabi lɔ́ɔ́ levil mí dimul niaa sɔɛi he, mí tɛɛsial niaa dɛnɔɔ ho lenin kpow. Seyaa niaa niaa co ni. Vɛ̀ɛ̀ Hala celen co macoaa o ya kɔɔli? Kɛì-kɛì bɛɛ! Pow kpova celen co le. I sina o kɛ́-kɛ̀ celen te few!»

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

O Kandɔɔ 15:4

Mí Mɛlɛka dimul ndu aa: «Ɛ-ɛ, langbanɔ kon cuenin kɛ́ nɔmndo le. Hɔ́ɔ́ nɔm pila solinnin o ipulu-o cuanin kɛ́ nɔmndo ni.»

O Kandɔɔ 31:7

Kɛ mí ndu hui ya, mó yɛlɛmiaa sala nuu bɛmbɔɔ tɔ́. Kɛ Hala cɛl ndu mò tɛɛmbuu ya le.

Kundalan 18:20

Mí Mɛlɛka dimul vɛlɛ Aarɔn aa: «A nɔnin lelɛŋ, te kon te kɛ́ o lɛŋnde ya yɔngunin Israɛlla len nin te, a sɔlanin ɲɛ-ɲɛ o nda tɛɛn te, kani ya pila co ɲɛ-sɔlaa nɔmndo a kɛ́ nɔmndo o Israɛlla tɛɛn ni.

Kundalan 24:4

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya ca vundule Vana-Kpaayaa-Kpow len-ndo co sɔɛi nuaa ni. Ya dèl lɛŋ mì ca sɔɔn viannanndon ni, kani i va ndu pɛ biiloo, o cɔmnun ya.

1Samiɛl 15:10

Le hee, mí Mɛlɛka dimul Samiɛl aa:

2Samiɛl 22:3

Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

O Kandɔɔ 22:20

Mɛɛ sɔɔn mun hiow, má dimul Abraham maa Milka bɛɛ vilul Nahɔr pɔmbɔ ndɔ cuavaa piaandua.

Tɔŋ miingua 18:2

Nda sɔlanin kɛ́ layondo puapilɛa ndaa Israɛlla tɛɛn te. Mɛlɛka co kɛ́ ndaa ni maa mɛɛ ndu pila dimul nda yɛ.

2Masaa 1:15

Mí mɛlɛkanɔ Hala-o dimul Elii aa: «La tol niaa ndu latulu, siòòŋii bii nɔm a ndu le.» O kon, mí Elii can, mó toal nda ndu o masaa lo.

Condii lisai 3:4

Kɛ nɔm Mɛlɛka co kɔ̀ɔ̀ cɔw co ya kandaa-o ni. Nɔm co biilu nuu ni, nɔm soli ya siɛmbulan ni.

Condii lisai 115:10

Niaa yungu Aarɔn-ndo, la tiindan Mɛlɛka, ndu co niaa malaa ni, o co niaa kandaa.

Esai 40:10

La tofa vɔ, Maalii Hala co hunɔɔ a kpaayaa, ba ndɔɔ co vanabɛnduyɛi ndɔɛi cɔmndo, la tofa vɔ ndu hunɔɔ a sala ndɔɔ o ba, vɔ̀ngɔ̀la ndɔlan la co ndu laci.

Yeremi 39:17

Kɛ paale len, i baŋanin nɔm. A delnin vana siòòŋii ndɔɛi co nɔm-ndo o ba le. Diom Mɛlɛka dimi-o co kon ni.