O Kandɔɔ 14:8 - BII BILA

⁸ O kon, mí masaa Sodɔm, masaa Komɔr, masaa Adma, masaa Seboyim a masaa Bela (kon co dimio ni aa «Soar») bɛɛ kɔ cuungian o dɛɛla bɛndoo Sidim nin le nda simullo a cɔwvo.

O Kandɔɔ 14:8 Referans Kwoze

O Kandɔɔ 19:22

Kɛ nɔm yɛ, mɛɛ keleŋa lakɔ ma kɔ vionnun dɛ! Kani i co nɔm cum háá mà tiiya lon malan ya tuisi dɛnɛ palaa vannda ha coo.» Lelan nda ke kobile len diolan ni aa Soar (kon co dimio ni aa «Ɲɛ-pɔmbɔɔ»).

O Kandɔɔ 19:20

Kobio pum co o nda, ndu hiow va macɛlu, i nɔla mì kɔ vionnun ndon a kiltan, o co bɛɛ kobile bɔɔ le. Cɛl mì kɔ vionnun ndon le yoomu nuu baŋaa.»

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

O Kandɔɔ 14:10

Kɛ mí masaa Sodɔm a hoo Komɔr a ɲaanun. A lo ɲaanɔnndo, má kɔ deli o soonnda yingilaala va o dɛɛla bɛndoo Sidim nin-ndan nin. Mí vanaa hɛlun-nda nda ɲaanun, má kɔ vionnun o pembei coo.

O Kandɔɔ 10:19

mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa.

O Kandɔɔ 14:9

Lon nda va Kedɔrlaomɛr masaa Elam, Tideal masaa Koyim, Amrafɛl masaa Sinear a Ariɔk masaa Ellasar cumullo a cɔwvo ni. Nda va a ŋuɛɛnu, masaa nda va cumullo-a va a hiɔɔlu.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.