Biblia Todo Logo
Bib sou entènèt

- Piblisite -




O Kandɔɔ 14:5 - BII BILA

5 O vɔsi tɔ́ a hiɔɔlundɔɔ nin, mí Kedɔrlaomɛr cua masaa ndaa cɛlan diom-nda, má kɔ del Refaimnda coo a cɔwvo Asterɔt-Karnaim. Má nɔla nda. Má kɔ toal vɛlɛ Susimnda coo Ham, má tiw nda ba. Má hiaw laci, má kɔ nɔla Emimnda Save-Kiriataim ciee.

Gade chapit la Kopi




O Kandɔɔ 14:5
28 Referans Kwoze  

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»


Kon tosan o nɔla Moise nɔla masaa ha-o kɔɔli: Sihon masa Amoriia, ò kobi ndɔ lebollo va Hɛsbɔn-ndo a Ɔk masaa Basan, ò nda nɔla Edrei-yo, ó va icali Astarɔt a Edrei-yo.


Hitiia, Perisiia, Refaimnda,


Lelan, siòòŋii bíí niaa le, kani Mɛlɛka Hala niaa, ndu pila co cɔwvo tosaa le niaa ni.›»


Kiriataim, Bɛt-Kamul, Bɛt-Meɔn,


Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!


Ɲɔɔ tosannin maa mɛɛ vana koavaa va kovɔɔ nuaa, mì ba ndɔɔ yimi yasalan yɛ, mɛɛ vana va yasalan cɔwviaa o dɛɛlaa Refaim nin nuaa yɛ.


o tosa dɛnnda kɔndɔfiltan o lɛŋnde Ham-nden nin a la kaamaalan o mɛmma ihɛlma makpɛ̀ndɛ̀an kɔngɔ-o.


Má kɔ tosa dɛnnda kaamaala Hala ndóò dimul nda le tosaa Esiptea tɛɛn ndan, má tosa dɛnnda kɔndɔfilta bɛndulan o lɛŋnde Ham-nden nin.


O kon kɔɔli, mí Israɛl kɔa o lɛŋnde Esipte len nin, mí Yakɔb siŋnun miallo o lɛŋnde Ham-nden nin.


Mí Hala diw poaa tasea ndaa kpow Esipte, a yɔŋnun hɔ́aa tasea o yungula Ham-ndan nin-nda pɛɛn.


Mí Filistia kɔ tiw o bóllo Refaim nin.


Mí simlacia nda yáá, fulaa o kunda simlacia n'van beleyaa-a tɛɛn, a kɔa David ikɛi nɛɛ o va o pow kpovaa coo, o buululan Adulam nin-nda, dɔ́ɔ́ngɔ́ Filistia ndu va o bóllo Refaim nin.


Lon ndáà komal bil puiyaa kɛndɛ-kɛndɔɔ ni. Lɛŋnde len le va lebɔɔ, vóólun-vóólun ve lon te, kɔlɲuloo koni vannun ndon ni. Kani poaa imamaa Ham-nda va icali lon paandu ni.


Paale pum, a telen koavaa, mí vanaa cɔwva nda yáá, fulaa o kunda n'van beleyaa-o nin, a komal David o buululan Adulam nin, kani vanaa cɔvaa Filistia ndáà hin ni, mí ndáà kila dɔ́ɔ́ngɔ́ ndaa o ból va o lɛŋnde Refaimnda nin-ndo nin.


Mí Filistia can, má hun vɛlɛ le cɔwvo, má sɛŋin, má tiw o ból Refaimnda nin sɔ́.


Filistia tiiyaa lon, má kɔ tiw o ból Refaimnda nin.


Kalaad táláá pilɔɔ, Astarɔt a Edrei, kobila lebolta Ɔk masaa Basan-ndan la va vɛlɛ o lɛŋnde ndale len nin. Mí lɛŋnde len kpow le yɔngun poaa Makir po Manase-o-a mɛɛ yungula ndalan la va yɛ.


Kiriataim, Sibma, Serɛt-Hasahar pembii co o bóllo nin-nde,


Masale Ɔk va masaa Basan-ndo len kpow, ó va masalen tosaa Astarɔt a Edrei-yo bɛɛ le va o lɛŋnde ndalen nin. Ɔk kon va vana pilɛ o Refaimaa mɛɛlu masalen tosaa-a tɛɛn. Moise ndóò nɔla nin masaa kan, mó toaw nda.


Masaa pillo yɔŋnun Ɔk ni. O va vana pilɛ o Refaimaa mɛɛlaa tɛɛn, o va masalen tosaa Basan. Astarɔt a Edrei o va icali ni.


La co lo cɔwvo háá mì Mɛlɛka Hala niaa yɔngu puapilɛa niaa calta pɛngiaalan maa mɛɛ o yɔngu niaa yɛ, háá mì nda bɛɛ sɔla lɛŋnde Mɛlɛka yɔngu nda kɛ́ɔ Yurdɛn leeloo len. O kon kɔɔli, vana-vana nɔla niko mò muungu o lɛŋnde ya yɔngu ndu len nin.›


O vɔsilan tɔ́ a latiɔn bɛngu, a va o biyɔɔ nin Kedɔrlaomɛr o ba, kɛ o vɔsi tɔ́ a o yàándɔɔ nin, má can má simul ndu.


Mí polale Rubɛn-nden le mingi Hɛsbɔn, Eleale, Kiriataim,


Mí yɔngu polale tálále Manase len tàndà tɔ̀ lo o tàndá Kalaad-o nin-ndo a lɛŋnde Ɔk va masalen tosaa coo Basan-nden kpow. Kon co dimio ni aa tàndàá Arkɔb a tàndàá Basan kpow. Lɛŋnde len ndáà veelu ni aa lɛŋnde Refaimnda.


n sina vɛlɛ ɲɛ o tosa a masaa ŋiɔŋaa Amoriaa va o peo Yurdɛn leeloo-a-o, Sihon va masaa Hɛsbɔn-ndo a Ɔk va masaa Basan-ndo, ó va icali Astarɔt-o pɛɛn.


Swiv nou:

Piblisite


Piblisite