O Kandɔɔ 14:15 - BII BILA

¹⁵ Mɛɛ o bendal nda, mó piɔw vanaa ndɔa cɔwva kundalan, má del yaamɔaa ndaa kan coo o ɲumndan nin, má tiw nda ba. Má lo nda kɔlan a soŋɔɔ háá Hoba, Damas a ba luaŋ-ndo.

O Kandɔɔ 14:15 Referans Kwoze

Dɛnnda kiilaa 9:2

mó ɲuna ndu sɛbɛla di lan le kɔlan o cɛila lekaanda va Damas lan nin. O kon te ndóò komal pɛ vanpiaandua, te kon te vanlaandua, mì ndáà va kelaa o nɛi kon coo, ndóò bii nda, ndóò yiw nda, ndóò hin a nda Yerusalɛm.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

1Masaa 15:18

Mí Asa cua volion a sianin tɔ̀un va o Cɛi-Mɛlɛka-on nin-ndon kpow a bolofaa va o masaa lo cɛinin-ndo, mó viam vanaa bɛndua va ndu o ba bɛngu-a a mun Damas o Bɛn-Hadad, po Tabrimɔn-ndo lo, po imama Hɛsiɔn va masaa Aram-ndo pɛɛn. Mó viam nda le kɔlan ndu dimullo aa:

Tɔŋ miingua 15:2

Mɛɛ kueela lan la bɛnda le malnɔnndo yɛ co hoo ni: te vɔsi malaa lakueo tiiya pɛ, ma yonda le vanaa cua kueelan-nda hakio malɔɔ le Mɛlɛka, vana-vana pilaciee ndɔɔ cua kueo o ba, o bɛnda mò mal kuee kon, mò mal vana cua ndu kueo o ba-o, o co puapilɛ ndɔɔ-o haki a kuee kon. O bɛnda mò suuku lɛ ndu, te kon te mo bii lɛ ndu ɲɛ celen o ba le.

Dɛnnda kiilaa 9:8

Mí Sol can lɛŋ. Mó tofa, kɛ o tiwba ɲɛ-ɲɛ cɔu le. Má bii ndu baa, má kɔa a ndu Damas ciee.

Dɛnnda kiilaa 9:10

Kaandennɔ pilɛ va Damas diolan Ananias. Mí Mɛlɛka cɔmnun ndu o vundulen nin, mó veelu ndu aa: «Ananias», mó muli aa: «Má cè ya, Mɛlɛka!»

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

Masaa kialaa n'yamaa 7:16

Mí Sedeɔn piɔw vanaa kɛmɛ leyáá-a kan kundalan tan yáá, mó piɔw nda kpow bulula hɔŋaalan, bonyun vovaa mamɛŋun fondon a tɛngɛla leyinndan le vowvo o bonyun mun nin.

Esai 7:8

Kani Damas co kobi lebollo le lɛŋnde Aram-nden ni, Resin yɛ, ndu co masa lebollo le kobio Damas ni. Nanu a vɔsilan belaŋɔmpum a laŋuɛɛnu, polale Efraim-nden le co cuvɔɔ kpede, le ve lɛnin yungu le few-few.

Esai 17:1

Sɔɛi Mɛlɛka dimi le tambii Damas-e-e co hee ni: O lo ɲɛ-pɔmbɔ cobe, Damas ve lɛnin kobi le, kɛ o siŋnunnin bémbélan kposon!

Yeremi 49:23

A Damas o kɔɔ. Kobio Hamat a kobio Arpad a tuei yoongu vɔɔndo pum. Siɛmbulan la bii kobila lan. A muungu yulan-yulan maa mɛmma ihɛlma biiŋuamma nɔla calle le-an.

Esekiɛl 27:18

Vannda Damas bɛɛ a va yulalen tosaa a nɔm le ɲɛm nɔm óò toosiaa mí n va nɔm o ba taw-taw-von, le ɲɛm kɛndɛn va nɔm o ba taw-von kpow, a va nɔm mɔima fula Hɛlbon-ndan a kola humbu yiiŋii saa cuuo.

Esekiɛl 47:16

mì la kɔɛ a Hamat, Berɔta, Sibraim co o pɛɛngulan yondo kobio Damas a yondo kobio Hamat tɛɛn-ndo, Hasɛr-Hatikon a kpengii pɛɛngula Havran-ndan.