O Kandɔɔ 14:11 - BII BILA

¹¹ Mí masaa tow nda-a koma yunga cieon Sodɔm a Komɔr, má cua ɲɛm va lon-ndon, má cua ɲɛm vanaa kan ndáà manda le dioo-on, má kɔannun a mun.

O Kandɔɔ 14:11 Referans Kwoze

O Kandɔɔ 14:21

O kon mí masaa Sodɔm dimul Abram aa: «A yandi, mingul-la vanndacieea mì nɔm loo ɲɛ-sɔlaa le nɔm pila.»

O Kandɔɔ 14:16

Mó puu nda ɲɛm nda sɔla o cɔwvo nin-ndon o laba. Mó puu vɛlɛ Lɔt, po pɔmbɔ ndɔ-o a ɲɛm ndɔn nda o ba, a vanlaandua a vanaa va o biyɔɔ nin nda o ba-a kpow.

Tɔŋ miingua 28:51

A lonin cɔlua niaa a ɲɛm niaa vanin kovɔɔ a kiɔndɔɔ-on dioo háá mì la cuu vu faw. Kani a melnin niaa ɲɛ-ɲɛ le, a melnin niaa balo le, a melnin niaa mayɛngi le kolɔɔ le, a melnin niaa macuɛi le, a melnin niaa navaa téndé, saa téndé, te kon te cuinaa téndé le, háá mà cii niaa diw kpow.

Tɔŋ miingua 28:35

Mɛlɛka tuisinin piɔŋnda cɛ̀wnun te lan niaa coo, mì la fula niaa o vulan a o lɔlulan, la siŋnunnin a piɔŋnda lan te. La tìwnin niaa lekɔɔ kpow: kandɔɔ o bɛngu ninndo háá o lebol.

Tɔŋ miingua 28:31

Vannda diwnin navaa niaa niaa pila o hɔl, kɛ la dinin visin ndan te. A ciimbuunin sofɛlɛa niaa niaa pila o hɔl, kɛ a mingulnin niaa nda le. Yaamɔaa niaa poondiaanin niaa saa niaa o laba, vana-vana sɔɔnguunin le niaa mala le.

O Kandɔɔ 12:5

Mó cua Sarai laa ndɔ a Lɔt po pɔmbɔ ndɔ-o, má kɔa a ɲɛ-ɲɛ sɔlaa va nda o ba, má kɔa vɛlɛ a cɛa ndáà pendu Haran-nda. Mɛɛ nda tiiya o lɛŋnde Kanaan-nden nin,

O Kandɔɔ 14:10

Kɛ mí masaa Sodɔm a hoo Komɔr a ɲaanun. A lo ɲaanɔnndo, má kɔ deli o soonnda yingilaala va o dɛɛla bɛndoo Sidim nin-ndan nin. Mí vanaa hɛlun-nda nda ɲaanun, má kɔ vionnun o pembei coo.

O Kandɔɔ 14:12

Má bii vɛlɛ Lɔt, po pɔmbɔɔ Abram-ndo, má kɔa a ndu a bolofaa ndɔɔ kpow. Kani Sodɔm lon Lɔt va telen kon icali ni.