O Kandɔɔ 14:10 - BII BILA

¹⁰ Kɛ mí masaa Sodɔm a hoo Komɔr a ɲaanun. A lo ɲaanɔnndo, má kɔ deli o soonnda yingilaala va o dɛɛla bɛndoo Sidim nin-ndan nin. Mí vanaa hɛlun-nda nda ɲaanun, má kɔ vionnun o pembei coo.

O Kandɔɔ 14:10 Referans Kwoze

O Kandɔɔ 19:17

Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»

O Kandɔɔ 19:30

O sɔɔn mun kɔɔli, mí Lɔt faŋan Soar, kani siòònde va ndu le calle lon. Le hee, mó helnun o pembei coo nda cuavaa ndɔa laandua ŋiɔnda, má kɔ calnun o buululan nin.

Yeremi 48:44

«Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

Esai 24:18

Vana-vana ɲaanun pɛ yoondiaala isiòònndan, ndu delnin o soondo nin. Vana-vana del pɛ o soondo nin mo fula, ndu hawnin o yalaa nin. Kani diola pɔmbɔlan o halataala la kumbin, lɛŋnden le hiilun o tumndo dí.

O Kandɔɔ 11:3

Má dimulan vellaa-velle aa: «Vannda sei! N tosan vali pilɛ. N lɔɔnun kpilikion mì n lomnun mun.» Má tosa vallo a kpilikin nda lom mún-ndon maa lapow, má tosa vɛlɛ vallo a puulu lindaa maa laso.

Condii lisai 83:10

La tòsá a nda mɛɛ niaa tosá a Madian, Sisera a Yabin o pee pɔmbɔɔ Kison yɛ,

Yosue 8:24

Mɛɛ Israɛlla cii vannda Ai diw kpow o lɛŋnde veselɛilen nin nɛɛ ndáà ɲaanun nda kɔɔli-a, má muungu ciee, ma kɔ diw vanaa tɔ̀a a mɔɔn cɔwvon.

O Kandɔɔ 14:3

Mí masaa nda kuel kan a cɔwvo-a bɛɛ cuungiaa vanaa ndaa cɔwva o dɛɛla bɛndoo Sidim nin, nɛɛ mɛmma hɛlii bɛnduan ma co nin hau-va.

O Kandɔɔ 14:9

Lon nda va Kedɔrlaomɛr masaa Elam, Tideal masaa Koyim, Amrafɛl masaa Sinear a Ariɔk masaa Ellasar cumullo a cɔwvo ni. Nda va a ŋuɛɛnu, masaa nda va cumullo-a va a hiɔɔlu.

O Kandɔɔ 14:11

Mí masaa tow nda-a koma yunga cieon Sodɔm a Komɔr, má cua ɲɛm va lon-ndon, má cua ɲɛm vanaa kan ndáà manda le dioo-on, má kɔannun a mun.

O Kandɔɔ 14:17

Mɛɛ Abram nɔla Kedɔrlaomɛr a masaa nda va latulu-a, mó can muungoo. Mí masaa Sodɔm hun ndu bɔŋaa o dɛɛla bɛndoo Save nin (o ndáà veelu vɛlɛ aa dɛɛlaa bɛndu lemasaa-o pɛɛn).

O Kandɔɔ 14:21

O kon mí masaa Sodɔm dimul Abram aa: «A yandi, mingul-la vanndacieea mì nɔm loo ɲɛ-sɔlaa le nɔm pila.»