O Kandɔɔ 14:1 - BII BILA

¹ Telen Amrafɛl va masalen tosaa Sinear-o, Ariɔk va masalen tosaa Ellasar, Kedɔrlaomɛr va masalen tosaa Elam, Tideal ndu va masalen tosaa Koyim.

O Kandɔɔ 14:1 Referans Kwoze

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

O Kandɔɔ 11:2

Mɛɛ nda faŋan a ba paalen le can-ndo, má va kɔlan, má komal dɛngbɛ bɛndu-bɛndoo pum o lɛŋnde Sinear len nin, má kila dɔ́ɔ́ngɔ́ɔ̀ lon.

O Kandɔɔ 10:22

Poaa Sɛm-nda va haa ni: Elam, Asur, Arpaksad, Lud a Aram.

Esai 37:12

Mí fuɲaa niaa mamaa tɛɛmbuu sindɛ vanaa-mangalaa-isɔɔa va o kobio Kosan nin-nda, a va o kobio Haran a o kobio Rɛsɛf nin-nda, má diw vɛlɛ cuavaa-imamaa Edɛŋaa va Telasar-a, mò va maa halaa vanaa-mangalaa-isɔaa kan va piɛiyo-a a baŋa nda le?

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Sakari 5:11

Mó mulul-la aa: ‹O lɛŋnde Sinear len nin nda co kɔlan a ndu ni, le ndu Cɛi-Diandaa tengullo lon. Te cɛi kon cuu pɛ tangul, a kɛsi niko kambɛi kalaa lon o fonda ndɔɔ.›»

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

Esekiɛl 32:24

Masa va Elam-ndo co ihini a vanaa ndɔa cɔwva a balaa sɛi ndɔɔ pindo. Nda kpede lɔwviaa nda lɔwviaa nda ni. Mɔɛi cɔwve cɛɛluu nda ni, nda vanaa dii haa toomaa le-a. Tofa vɔ mɛɛ nda tol o puuloo bɛngu lɛŋ di-di yɛ, nda va vannda siòònde lueiyo o lɛŋnde vanndacieea yoomaa coo ni. Siɛmbula ndalan la tol nda, nda vanaa co tolɔɔ o sɛilan nin-nda latulu.

Yeremi 25:25

masaa kɛ́-kɛ̀ co Simri, Elam a Mɛdea,

Esai 22:6

Vannda Elam sayian bɔlɔla ndala vovaa n'kɔɔlan, ɲɛla ɲaanannda soa nan-ndan a vanaa cɔwva lenin, a vanaa ɲaanun o soa coo-a co hunɔɔ a sɔɔnguuo. Vannda Kir soli kɔ̀ɔ̀la cɔwlan.

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

O Kandɔɔ 14:9

Lon nda va Kedɔrlaomɛr masaa Elam, Tideal masaa Koyim, Amrafɛl masaa Sinear a Ariɔk masaa Ellasar cumullo a cɔwvo ni. Nda va a ŋuɛɛnu, masaa nda va cumullo-a va a hiɔɔlu.

Yosue 12:23

masaa Dɔr o pembei landɔnndo, masaa Koyim co Kilkal ikɛi-yo,

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.