O Kandɔɔ 13:8 - BII BILA

⁸ O kon mí Abram dimul Lɔt aa: «Vanayɛi naa n co ni, lelan, sɔngɔ bɛnda mò luɛi naa tɛɛn te. Hali vanaa co cɔlua naa mandaa-a, sɔngɔ bɛnda mò luɛi nda tɛɛn te.

O Kandɔɔ 13:8 Referans Kwoze

Dɛnnda kiilaa 7:26

Diimandɔɔ, mí Moise komal puapilɛa ndɔa cɔlɔbaa. Mó kindin, mó toosiaa nda sɔɔngɔɔ tɛɛn, mó dimi aa: ‹Caaŋaa nia, puapilɛa niaa co ni. Le yɛɛ nɛ niaa co yɛ niaa pilaa mɔnɛi lueinanndo?›

Condii lisai 133:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Àá! O co bɔɔ dɛnɛ kɛndɛ a dɛnɛ ɲaaloo mì puapilɛa bɛnda o caltan nin!

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Talelan 20:3

Dɛnɛ lebɛɛo o co ni le sɛɛngianndan kpakpalaa. Kɛ diɔm sondo vesɛiyo ndu, bollen o luei lenin ni.

Talelan 15:1

Muli kɛndɔɔ ɲulul vana kɔllo ni, kɛ sɔɛi dimi vɔɔndo yɔngu vana kɔllo tuwvo ni.

O Kandɔɔ 45:24

Mó congun bɛndaa ndɔa, mó mal nda kɔlan, mó sila nda kpéŋ-kpéŋ maa a kei sɛɛngian nɛi-tɛɛn te.

1Nsaŋ 4:7

Caaŋaa nia hɛnan ya-a, n kaolian vellaa-velle, kani Hala o ba kaolaa fula ni, nduyɛ vana-vana kaola pɛ, mɛɛ o Hala-o co kon ni, o sina Hala.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Hebreea 13:1

La hiow laci a kaolianndo vellaa-velle maa n'puapilɛ.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Tesalonikea 4:9

Hali mì n sɛval bɛɛ niaa a kaola bɛnda mò va vanaa laalannda tɛɛn-ndo o kɔɔ le, kani niaa pila sɔla pɛɛkoo Hala o ba maa la kaolian vellaa-velle.

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

Matie 5:9

Dɛnɛ kɛndɔɔ co le vanaa yɔngu kɔlɲuloo-a, kani a sɔlanin veeloo aa cuavaa Hala-a.

Talelan 15:18

Vana kɔltuwvo tiŋ sɛɛngianndan ni, kɛ vana biuvanndo ɲumi sɔngɔlan ni.

Fulaa 2:13

Diimandɔɔ pilɔɔ vɛlɛ, mó muungu o fonda kon, mó komal Hebreea nda ŋiɔn cɔlɔbaa. Mó ɲuna vana nɔ dí loo aa: «Le yɛɛ n co yɛ puapilɛ nɔmndo lɔɔ?»

O Kandɔɔ 13:9

Yɔŋii kon tosan, n piɔvan telenndo ho. Má cè lɛŋnden nden kpow! Cua fonda n yeema-o. Te o ba mɛllo coo nɔm kɔɛ ni, ya i kɔɛ o ba kɛndɔɔ coo, te o ba kɛndɔɔ coo nɔm kɔɛ yɛ ni, ya i kɔɛ o ba mɛllo coo.»

O Kandɔɔ 46:34

La mulul ndu aa: Cɔlua naa buɛyaa nɔmnda n co mandaa ni, kandɔɔ a cuaambɔyɛi nɛi, hun bii a sunsun, cɔlua naa n co mandaa ni, vali kon koni fuɲaa naa mamaa ndáà tosa ni. Te la mulul pɛ ndu lende, o co niaa kɛsi o tàndàá Kosɛn nin. Kani nɛyɔnndo taw Esiptea nɔ a vanaa mandaa n'cɔlua ni.»

O Kandɔɔ 14:14

Mɛɛ Abram tuei maa a bii po pɔmbɔ ndɔ-o má kɔannun a ndu, mó bɛɛndiaa vanaa cɔvaa velun o ndu lo cɛinin-nda kɛmɛ leyáá a tɔ́ a à ŋɔmaa. Mó diam masaa bii Lɔt-a háá Dan.

Masaa kialaa n'yamaa 9:26

Paale pum, mí Kaal po Ebɛd-o hun Sikɛm nda puapilɛa ndɔa, mí vanaa bɛndua Sikɛm laalan ndu.