O Kandɔɔ 13:7 - BII BILA

⁷ Handɔɔ o kon coo, Kanannda a Perisiia bɛɛ va icali o lɛŋnde len nin telen kon. Mí vanaa mandaa n'cɔlua Abram-nda saan sɛɛngianndo nda vanaa mandaa n'cɔlua Lɔt-a.

O Kandɔɔ 13:7 Referans Kwoze

O Kandɔɔ 26:20

Le mɛmma man, mí vanaa mandaa n'cɔlua Kerar a tisa vanaa mandaa n'cɔlua Isaak-a kɔɔli a sɛɛngianndo. Má dimi maa nda nɔ mɛmma kɛndɛma man ni. Le hee, mí Isaak ke soon kólaa kon diolan aa Esɛk (kon co dimio ni aa «Sɛɛngianndo»), kani sɛɛngianndo va nda tɛɛn le soon kólaa kon.

O Kandɔɔ 12:6

mí Abram kei o lɛŋnden tɛɛn, mó kɔa háá o fonda nɔ diolan aa Sikɛm-ndo, má tiiya nɛɛ yálán Mamre-o va-a. Telen kon, Kanannda va icali o lɛŋnde len nin.

Nsaki 3:16

Kani nɛɛ paŋalaa a sɛɛngianndan la co-a, lon koni dɛnɛ laasiɛiyo a dɛnnda vɔɔnnda súú-súù ka la co vɛlɛ ni.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Nsaki 4:1

Kuɛɛ nɛ sɔngɔlan a cɔlɔbala co niaa tɛɛn-ndan la co yɛ fulaa? Vɛ̀ɛ̀ o co o yeeman co niaa cɔlɔbaa o lakɔl-lon nin te?

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

O Kandɔɔ 34:30

Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Tesalonikea 4:12

O kon, vanaa co vanaa laalan te-a kenin niaa bɛɛlen, la venin o ba vana bɛngu le.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Nehemi 5:9

Mí dimi vɛlɛ aa: ‹La co ɲɛ kɛndɛ tosa le dɛ! O siòòŋii Hala naa nin niaa bɛnda le kelaa ni, yɔŋii siɛmbulan la bii naa vanaa súúla celennda o hɔl, yaamɔaa naa pɛɛn.

Fulaa 2:17

Kɛ mí vanaa mandaa n'cɔlua pum tiiya lon, má toaw vanlaandua kan. O kon, mí Moise lɔaanun ibuŋ le nda, mó koesi cɔlua fuɲa nda-a kan.

O Kandɔɔ 21:25

Mí Abraham tɛɛlun Abimelɛk le soon kólaa ndɔ buɛyaa Abimelɛk-a ndáà puu a paa-kala-o.

O Kandɔɔ 10:19

mí lɛŋnde ndalen le cɔɔlu kui. Mɛɛ le kandun a Sidɔn, mí le kei a Kerar, mí le kɔ tiiya háá Kaasa, mí le kei vɛlɛ a Sodɔm, Komɔr, Adma, Seboyim, mi le kɔ tiiya háá Lesa.

O Kandɔɔ 46:34

La mulul ndu aa: Cɔlua naa buɛyaa nɔmnda n co mandaa ni, kandɔɔ a cuaambɔyɛi nɛi, hun bii a sunsun, cɔlua naa n co mandaa ni, vali kon koni fuɲaa naa mamaa ndáà tosa ni. Te la mulul pɛ ndu lende, o co niaa kɛsi o tàndàá Kosɛn nin. Kani nɛyɔnndo taw Esiptea nɔ a vanaa mandaa n'cɔlua ni.»

Talelan 20:3

Dɛnɛ lebɛɛo o co ni le sɛɛngianndan kpakpalaa. Kɛ diɔm sondo vesɛiyo ndu, bollen o luei lenin ni.

Marke 3:25

Cɛi oo cɛi piɔvan pɛ ndu pila, cɛi kon nɔla kpaayaa sɔlaa le.