O Kandɔɔ 13:18 - BII BILA

¹⁸ O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

O Kandɔɔ 13:18 Referans Kwoze

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

O Kandɔɔ 14:13

Mí vana ɲaanun-ndo pum kɔ dimul Abram Hebreenɔ sɔɛi ken. Abram va icali o yálán Mamre Amoriinɔ-o ikɛi, Mamre kon va puapilɛ Ɛskɔl nda Anɛr-o ni. Langbaa yaa kan kpede, kpemaa va nda tɛɛn nda Abram-aa.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Condii lisai 16:8

I co Mɛlɛka mɛɛndanndo ya o hɔl tuŋ, le tùú o co ya o ba kɛndɔɔ coo-o, i siɛla le.

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

O Kandɔɔ 37:14

Mí Israɛl fuɲa ndɔ dimul ndu aa: «Kɔ mà kɔ tofa mɛɛ bɛndaa nɔmnda co lon yɛ, mà mɛɛndan vɛlɛ mɛɛ cɔlua co yɛ. A cii pɛ, a muungu nanu, a hun downun ya kona.» O kon, mí Yosɛf can nɛɛ nda va o dɛɛlaa Hebrɔn nin-nda, mó kɔ tiiya Sikɛm.

O Kandɔɔ 13:4

o fonda ndóò cɔw paandu fonda-loamaa-lasálàá-o kpeekpei. Mó piɛi Hala lon a ndu veeloo aa Mɛlɛka.

Yosue 14:13

O kon, mí Yosue dɔaw Kalɛb, po Yefune-o duaa, mó ke ndu lɛŋnde Hebrɔn-nden kɛ́ɔ.

O Kandɔɔ 23:2

mó vu Kiriat-Arba, Hebrɔn pɛɛn, o lɛŋnde Kanaan-nden nin. Mí Abraham pɔnɔ ndɔ hun tosa biisi ndɔɔ, mó caŋ ndu taw.

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

O Kandɔɔ 26:25

Mí Isaak cɔaw fonda-loamaa-lasálàá o fonda kon, mó biilu Mɛlɛka lon, mó toandu cɛi-kola-toandaa ndɔɔ lon. Mí buɛyaa ndɔa toaw vɛlɛ soon kólaa celen.

Yosue 15:13

Má ke Kalɛb, po Yefune-o yondoo o lɛŋnde polale Yuda len léè sɔla len nin mɛɛ Mɛlɛka ndóò dimul Yosue yɛ. Mí Kalɛb sɔla Kiriat-Arba, kobi fuɲaa Anak-o, o nda veelu sisa aa Hebrɔn-ndo pɛɛn.

2Samiɛl 2:1

Dɛnnda lan hiovɔɔ, mí David ɲuna Mɛlɛka aa: «Vɛ̀ɛ̀ i heelu o kobio pum nin o tàndá Yuda-o nin?» Mí Mɛlɛka mulul ndu aa: «Oi, heelu.» Mí David ɲuna vɛlɛ aa: «Kobi kuɛɛ nɛ ya kɔ nin kpeekpei?» Mí Mɛlɛka mulul ndu aa: «Kɔ Hebrɔn.»