O Kandɔɔ 13:16 - BII BILA

¹⁶ I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 13:16 Referans Kwoze

Kundalan 23:10

Nɛ̀ɛ́ nɔla yɛ polale Yakɔb len cɔmndo tɛ́kpɛ́-tɛ́kpɛ́? Nɛ̀ɛ́ nɔla yɛ mò cɔm cundu co lɛŋ-ndo o pilɛn-pilɛnndo? Nɛ̀ɛ́ nɔla yɛ mò cɔm cuavaa-imamaa Yakɔb-a? Màá piɔ́m nuu yɔŋnun maa piɔ́m vanaa sandaa! Màá mɛɛlula nilan la yɔŋnun maa mɛɛlula ndalan!»

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 32:12

I tɛɛlun nɔm yandi, baŋa ya Esau bɛ ni o ba. Kani i co buulanndo yɔŋii o hun dii ya, mò diw vɛlɛ kalla a cuawva.

1Masaa 3:8

Nduyɛ, ya vana nɔm baalaa, i co vanaa nɔm pila hɛli-a tɛɛn, vanaa kan yɛ, vana cii nda sina le, a cuu vɛlɛ cɔm te, kani a co sɛ́lɛ́ taw.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

1Dɛnnda lemasalan 27:23

David sɛva langbaa felengia áà nɔ vɔsilan bidiin-nda a langbaa áà tiiya vɔ bidiin te-a diolan te. Kani Mɛlɛka ndóò yii kpemaa le Israɛlla kuiyo maa loeon o halataala.

1Dɛnnda lemasalan 21:5

Mí Yoab hun downun David kona mɛɛ o cɔm vannda yɛ: o lɛŋnde Israɛl-ten nin kpede, mó cɔm vannda milionndo o pilɛ a vannda vaalan kɛmɛ (1 100 000), handɔɔ o n'van vaala kɛmɛ lehiɔɔlu a belaŋɔmmɛvaa va Yuda-a coo. Nda kpow, vanaa cɔvaa ndáà caa mɔɛi cɔwve hiŋndo-a nda va ni.

1Masaa 4:20

Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.

Masaa kialaa n'yamaa 6:5

Kani te ndáà cɛn pɛ hunɔɔ, ndáà hin a cɔlua ndaa a á cɛila-kolala-toandaala ndalan. Sɛ́lɛ́ bɛndu-bɛndoo pila ndáà hun ni maa n'sóónɔ. Nda pila a ɲɔɔmɛaa ndaa, vanáà nɔla nda cii cɔm te. Le lɛŋnden tɛɛmbuuo ndáà hun lenin ni.

Masaa kialaa n'yamaa 6:3

Te Israɛlla ndáà saŋ pɛ maalon o ciɛɔn ndan nin, Madiannda, Amalɛkea a vanaa fulaa a ba paalen le can-ndo-a ndáà hun del nda coo a cɔwvo.

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 21:13

Kɛ o va bɛɛ lende, i siinguunin po cɛ laandoo ho velu-o fuɲa-mamaa le vanaa-mangalaa-isɔɔa pum. Kani hɔ́ɔ́ nɔmndo ndu bɛɛ co ni.»

O Kandɔɔ 18:18

O siŋnunnin fuɲa-mamaa le vanaa-mangalaa-isɔɔa sɛ́lɛ́ bɛndoo, a nɔnin kpaayaa taw-va. Vanaa-mangalaa-isɔɔa o lɛŋnden coo kpow sɔlanin duaa ndu o ba bɛngu.

O Kandɔɔ 17:20

Le Ismaɛl-lɛ, i tuei piɛile n piɛi le ndu len. I co ndu duaa dɔvɔɔ mì yɔngu ndu cuavaa-imamaa taw. O kuinin ipulu, polale ndɔlen le vanin sɛ́lɛ́. I vangalanin cuavaa ndɔa imamaa. Langbaa kɛsun kálàá tɔ́ a à ŋiɔn a fulanin ndu nin. I siinguunin ndu fuɲa-mamaa le vanaa-mangalaa-isɔɔa sɛ́lɛ́ bɛndoo.

O Kandɔɔ 17:16

I co ndu duaa dɔvɔɔ mò vilul nɔm hɔ́ɔ́ piaandoo. I co ndu duaa dɔvɔɔ mo siŋnun kala-mama vanaa-mangalaa-isɔɔa súúlan taw. Masaa súúlan taw a fulanin ndu o ipulu.»

O Kandɔɔ 17:6

I co nɔm cuavaa-imamaa kuilul taw, mì vanaa-mangalaa-isɔɔa súúlan taw a fula o polale nɔmnden nin. Masaa bɛɛ a fulanin o polale nɔmnden nin.

Hebreea 11:12

Lelan fuɲa-mama pilɔɔ, Abraham ndóò nɔla lɛ hoo hɔ́ɔ́ violɔɔ loo, mó vialu cuawva sɛ́lɛ́ bɛndoo maa loeon o halataala, te kon te maa siòònndon o mɛmma ihɛllan kɔngɔ, vana nɔla nda cɔm te.

O Kandɔɔ 16:10

Mó dimul ndu vɛlɛ aa: «I co nɔm cuavaa-imamaa yɔngu, a vanin sɛ́lɛ́ bɛndoo taw, vana nɔlanin nda cɔmndo le.

O Kandɔɔ 17:2

I yiinin kpemaa a nɔm mì kuilul nɔm polale nɔmnden taw-taw.»

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

2Dɛnnda lemasalan 1:9

Lelan, peelu kpema nɔm óò yiilul ndu-o, kani a siinguu ya masaa vanaa sɛ́lɛ́ bɛndua ha coo, á co haa sɛ́lɔ́ɔ́ maa cundoo lɛŋ-nda.

O Kandɔɔ 32:13

Nduyɛ nɔm dimul-la ni aa: ‹I co nɔm dɛnɛ kɛndɔɔ tosal mì kuilul nɔm cuavaa-imamaa, mà va sɛ́lɛ́ maa sióónndon o mɛmma ihɛllan kɔngɔ, vana-vana nɔlanin nda cɔmndo le.›»

SƐBƐ YƆB-O 5:25

A canin cuavaa nɔmnda kuiyo, mì cuavaa nɔmaa imamaa vil maa billo yondoo nin.