O Kandɔɔ 13:13 - BII BILA

¹³ Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

O Kandɔɔ 13:13 Referans Kwoze

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Rɔmnda 1:27

Lende koni vanpiaandua bɛɛ a co tosaa ni, a co lɛ kpelemɔɔsaa tosa a vanalanɔ le. Le kpelemɔɔsaa tosaa nda pila vanpiaandua vellaa-velle yeemɛi co nin nda heelanndo ni. Vanpiaandua co dɛnnda lasiɛmbulan tosaa a vanpiaandua celen, mì nda pila va sala laasian ndaa sɔlaa.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

O Kandɔɔ 18:20

O kon, mí Mɛlɛka dimul Abraham aa: «Caŋnda vannda co a kɔlvesɛi yungoo Sodɔm a yungoo Komɔr o sondo lan la co labɔɔ. A hiw bɔɔ laasianndo a yɔŋ vɔɔndo.

Nsaŋ 9:31

N sina maa Hala mulul vanaa lahakia piɛilen te. Kɛ vana biilu Hala pɛ mo tosa hɛnan ndɔɔ, o mulul vana kon piɛilen.

Matie 9:10

Mɛɛ Yeesu cal ɲɛdiaa dioo cɛinin nda kaandeŋaa ndɔa, mí vanaa biyaa mulua taw a vanaa lahakia kɔ cal nda ikɛi.

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.

1Samiɛl 15:18

Nduyɛ, Mɛlɛka cɔm nɔm ɲɛ n bɛnda le tosaa-o, mó dimul nɔm le kɔlan Amalɛkea lahakia ha delɔɔ coo a cɔwvo a le nda ciiyo diwvo kpede.

O Kandɔɔ 38:7

Mí Ɛr, po tase Yuda kon siŋnun vana vɔɔndo Mɛlɛka o hɔl, mí ndu Mɛlɛka cii yoomu ndɔɔ.

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

O Kandɔɔ 10:9

Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.»

O Kandɔɔ 6:11

Kɛ vanndacieea telen kon a va a laasiannda Hala o hɔl, yɔŋ vɔɔndo va tosanndo nɛɛ-nɛɛ ka.

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

O Kandɔɔ 39:9

O hiw lɛ ya ivanabɛnduya cɛinin nanu le, o tuŋ ya ɲɛ-ɲɛ celen te, fɔ nɔm, kani laa ndɔ n co ni. Le yɛɛ nɛ ya tosa yɛnin dɛnɛ kɔlvesɛi bɛndu vaa lende mì cua hakio a Hala?»

Kundalan 32:23

Kɛ te la tosa lende le, mɛɛ la cua hakio a Mɛlɛka, mɛɛ niaa pila kɔmnde yɔŋ vɔɔn niaa co delɔɔ o lebol ni.

O Kandɔɔ 19:13

Kani n co hunɔɔ kobio ho tɛɛmbuu. Mɛlɛka tuei vannda taw caŋndan a vanaa co haa icali lenin-nda o sondo. Lelan o vem naa le kobi kalaa tɛɛmbuuo ni.»

1Samiɛl 2:17

Nuaa poaa Helii-a va hakilan kɔndɔɔ taw a Mɛlɛka ni. Kani ndáà ke Mɛlɛka lebɛɛ a sálàla vannda va ndu solullo lan te.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.