O Kandɔɔ 13:12 - BII BILA

¹² Mí Abram ndu cal o lɛŋnde Kanaan-nden nin, mí Lɔt cal o kobila va o dɛɛla kon nin-ndan nin, mó simi cɛila-kolala-toandaala ndɔlan háá Sodɔm ciee-lekɔɔ.

O Kandɔɔ 13:12 Referans Kwoze

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

O Kandɔɔ 19:1

Mí mɛlɛkaa ŋiɔŋaa kan a tiiya Sodɔm icɔllo. Lɔt va icali o dio kobio sondoo. Mɛɛ o ce nda, mó can ɲaali le kɔlan nda demullo. Ndóò tiiyaa, mó kɔ baŋ vulan nda o labɛngunin, mó tundu hɔlla lɛŋ.

O Kandɔɔ 14:12

Má bii vɛlɛ Lɔt, po pɔmbɔɔ Abram-ndo, má kɔa a ndu a bolofaa ndɔɔ kpow. Kani Sodɔm lon Lɔt va telen kon icali ni.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Condii lisai 26:5

Vanaa co dɛnnda vɔɔnndan tosaa-a nɛinun ya, i cel naa vanaa kɔlvesɛiya latulu le.

O Kandɔɔ 19:25

Mó tɛɛmbuu kobila lan a cieon va o tàndà kon nin-ndon kpow. Mí vanndacieea a yondo puiyaa va o tàndà kon nin-ndo cuu ŋɔ selemenden.

O Kandɔɔ 13:11

Mí Lɔt cua dɔ́ɔ́ dɛɛla bɛndu holnun kon peo Yurdɛn-ndo kpow, mó kɔa a ba paalen le can-ndo. Lende nda piɔvan ni.

O Kandɔɔ 14:2

Mí masaa hiɔɔlua kan kɔ del Bera masaa Sodɔm, Birsa masaa Komɔr, Sineab masaa Adma, Semɛebɛr masaa Seboyim a masaa Bela (kon co dimio ni aa «Soar») coo a cɔwvo.

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.