O Kandɔɔ 13:11 - BII BILA

¹¹ Mí Lɔt cua dɔ́ɔ́ dɛɛla bɛndu holnun kon peo Yurdɛn-ndo kpow, mó kɔa a ba paalen le can-ndo. Lende nda piɔvan ni.

O Kandɔɔ 13:11 Referans Kwoze

O Kandɔɔ 13:9

Yɔŋii kon tosan, n piɔvan telenndo ho. Má cè lɛŋnden nden kpow! Cua fonda n yeema-o. Te o ba mɛllo coo nɔm kɔɛ ni, ya i kɔɛ o ba kɛndɔɔ coo, te o ba kɛndɔɔ coo nɔm kɔɛ yɛ ni, ya i kɔɛ o ba mɛllo coo.»

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Hebreea 10:25

N málnùn cuungiannda naalan mɛɛ vannda pum tosa yɛ le. Kɛ n hiownun laci a siilianndo vellaa-velle mɛɛ niaa co cɔu paale Maalii len sɔɔnguuo yɛ.

Talelan 27:10

Mal caan nɔm te, mal vɛlɛ caaŋoo fuɲa nɔm te. Kɔa o bɛ nɔm ndo, te kon te o pɔmbɔ nɔm ndo paale dɛnɔɔ co nɔm pala len te, kani vana niaa cɛɛlian caltan-ndo co fisa a bɛ nɔm, te kon te a pɔmbɔ nɔm co levil-lo.

Condii lisai 119:63

Vaanaa co nɔm bɛɛlen keo-va a vanaa co silala nɔmndan biyɔɔ-a kpow, caan nda ya co ni.

Condii lisai 16:3

Vanaa diandaa co o lɛŋnden nden nin-nda, nda pila, a vanaa kpaayaa, kan co vanaa hɛnan ya-a ni.

O Kandɔɔ 13:14

Tuma Abram piɔvan nda Lɔt mí Lɔt kɔannun-ndo, mí Mɛlɛka koma dimul Abram aa: «Heelu hɔlla mà mɛɛndian, kandɔɔ o fonda n sim kon-ndo, kɔ bii a ba luaŋ-ndo, a ba too, a ba paalen le can-ndo háá a ba paalen le del-lo.

O Kandɔɔ 19:17

Mɛɛ nda soli nda o kobio kɔɔli lende, mí mɛlɛkanɔɔ pilɛ dimul Lɔt aa: «Ɲaanun ma kɔɛnnun kɛ, haliko ma lo yoomu. Tofan kɔɔli le dɛ! Kei vɛlɛ isisi nɛi-tɛɛn o dɛɛlaa nin tei. Taa yeema mà vi le, mɛɛ ɲaanun o pembei coo dɛ!»

O Kandɔɔ 13:10

Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

O Kandɔɔ 13:12

Mí Abram ndu cal o lɛŋnde Kanaan-nden nin, mí Lɔt cal o kobila va o dɛɛla kon nin-ndan nin, mó simi cɛila-kolala-toandaala ndɔlan háá Sodɔm ciee-lekɔɔ.

Esekiɛl 47:18

Pɛɛngulan a ba paalen le can-ndo la vanin ndan ni: fondaa pum o tàndá Havran-ndo a tàndá Damas-o tɛɛn, mì la kei o dɛɛlala peo Yurdɛn nin o tàndá Kalaad-o a o lɛŋnde Israɛl-ten tɛɛn. Mí la tuu cɔnɔnndo o pɛɛngulan a ba luaŋ-ndo kɔlan tiiyaa háá o mɛmma hɛlii bɛnduan. Pɛɛngulan a ba paalen le can-ndo la vanin ndan ni.