O Kandɔɔ 13:10 - BII BILA

¹⁰ Mí Lɔt keeliaa hɔlla kpow, mó ca dɛɛla bɛndu demul peo Yurdɛn-ndo o puiyaa ɲɛkɛndɛi kɔlan tiiyaa háá Soar. Tuma kon, Mɛlɛka ndóò tɛɛmbuu vɔ Sodɔm a Komɔr le, dɛɛlaa vannun o puiyaa tɛi-tɛi mɛɛ nakɔ Mɛlɛka-o va nuaa yɛ, mɛ̀ɛ́-mɛ̀ɛ́ lɛŋnde Esipte len le co o nɛi Soar-o nuaa yɛ.

O Kandɔɔ 13:10 Referans Kwoze

Tɔŋ miingua 34:3

Mó cɔm ndu vɛlɛ tàndàá Nekɛv a dɛɛlalan Yeriko, kobi mavawvo pɛɛn, kɔlan tiiyaa háá Soar.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

O Kandɔɔ 14:8

O kon, mí masaa Sodɔm, masaa Komɔr, masaa Adma, masaa Seboyim a masaa Bela (kon co dimio ni aa «Soar») bɛɛ kɔ cuungian o dɛɛla bɛndoo Sidim nin le nda simullo a cɔwvo.

Yɔɛl 2:3

Yinnden le co kɔlan a ɲɔɔn lomɔɔ nda laci, yelenyelenndo co kɔlan a ɲɔɔn siowvo cuuloo mungén nda kɔɔli. Paandu, lɛŋnden le vannun maa nakɔɔ Edɛn, kɛ kabi nda luɛi lenin, le siŋnun lɛŋnde veselɛile imɔnɔlen. Ɲɛ-ɲɛ helun nda le few.

O Kandɔɔ 14:2

Mí masaa hiɔɔlua kan kɔ del Bera masaa Sodɔm, Birsa masaa Komɔr, Sineab masaa Adma, Semɛebɛr masaa Seboyim a masaa Bela (kon co dimio ni aa «Soar») coo a cɔwvo.

Esekiɛl 28:13

A va icali Edɛn, o nakɔ Hala-o nin, a va o kumbaa a powta báà kàlàla súú-súù ka: sarduan, topas, diamannde, krisolite, onikse, yaspe, safir, pow siaŋa báà kalaa a emerɔd. Kelan nɔmndon va n'cɔavaa a sianion, paale n cɔwnun-nden kelan mun bɛɛndian ni.

1Masaa 7:46

O dɛɛlaa Yurdɛn nin masaa ndóò teengiaa mun o puulu cɔavaa n'kpɛɛnɔɔ nin Sukɔt a Sartan tɛɛn ni.

Esekiɛl 31:8

Yɔmii sɛɛdrei o nakɔ Hala-o nin kpede ndíì siiman a ndu le, yɔmii siprɛsiei ndíì sulan a lɛvun yɔm kon te, hali yɔmii platannde ndíì ve maa lɛɛndun ndɔn te, yɔm oo yɔm ve o nakɔ Hala-o nin, o ndóò sulan naŋɔɔ a yɔm sɛɛdre bɛndu kon-ndo le.

Yeremi 48:34

Vannda Hɛsbɔn a co yeelan mɛlio le vana malaa sɔlaa. Vana lo Eleale pɔ́ mà tuei nda diom. Diomnda ndalan la co tiiyaa Yahas dí. A va Soar, Horonaim a Ɛklat-Sɛlisia dí mà tuei nda diom. Kani hali soon mamɛnndo Nimrim, o vela mí vannda piaw lon.

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

O Kandɔɔ 11:27

Diola vanaa fula o polale Tera len nin-nda la co lan ni, Tera yɔŋnun kon fuɲaa Abram, Nahɔr a Haran-ndo pɛɛn: mí Haran vialu Lɔt.

O Kandɔɔ 13:9

Yɔŋii kon tosan, n piɔvan telenndo ho. Má cè lɛŋnden nden kpow! Cua fonda n yeema-o. Te o ba mɛllo coo nɔm kɔɛ ni, ya i kɔɛ o ba kɛndɔɔ coo, te o ba kɛndɔɔ coo nɔm kɔɛ yɛ ni, ya i kɔɛ o ba mɛllo coo.»

O Kandɔɔ 13:11

Mí Lɔt cua dɔ́ɔ́ dɛɛla bɛndu holnun kon peo Yurdɛn-ndo kpow, mó kɔa a ba paalen le can-ndo. Lende nda piɔvan ni.

O Kandɔɔ 47:6

nduyɛ lɛŋnden le co o ba nɔmndo bɛngu. Yɔɔ nda o fonda hiow naŋɔɔ-o nin. Kɔ kɛsi nda o tàndàá Kosɛn nin. Taa sina vɛlɛ pɛ maa vanaa caa cɔlua mandaa taw-va co nda tɛɛn, a sɔɔ nda cɔlua nia o ba, à mandal-la nda.»

SƐBƐ YƆB-O 40:23

Tindian ma va bɛɛ ɲindɔɔ, o buulan te, ma va bɛɛ hunɔɔ háá ndu o sondoo bɛngu, kɔl fula ndu le.

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.

Esekiɛl 31:9

Mí yáà nɛŋi ndu a lɛvun ndɔn sɛ́lɛ́ bɛndon. Le hee, mí yɔmii va Edɛn o nakɔ Hala-o nin-nde kpede i va ndu paŋalaa.

Esekiɛl 47:18

Pɛɛngulan a ba paalen le can-ndo la vanin ndan ni: fondaa pum o tàndá Havran-ndo a tàndá Damas-o tɛɛn, mì la kei o dɛɛlala peo Yurdɛn nin o tàndá Kalaad-o a o lɛŋnde Israɛl-ten tɛɛn. Mí la tuu cɔnɔnndo o pɛɛngulan a ba luaŋ-ndo kɔlan tiiyaa háá o mɛmma hɛlii bɛnduan. Pɛɛngulan a ba paalen le can-ndo la vanin ndan ni.