Biblia Todo Logo
Bib sou entènèt

- Piblisite -




O Kandɔɔ 12:8 - BII BILA

8 Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

Gade chapit la Kopi




O Kandɔɔ 12:8
33 Referans Kwoze  

Mí yungula poaa Bɛnyamɛn-nda kila calta ndalan kandɔɔ Keba, Mikmas, Aya a Betɛl a cieon balu mun-ndon,


Mí Sɛt bɛɛ vialu poo, mó ke ndu diolan aa Enɔs. Boondii ken kínɛí vanndacieea kandu Hala veeloo aa Mɛlɛka o piɛilen nin ni.


O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.


N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.


Mó ke fonda kon diolan aa Betɛl (kon co dimio ni aa «Cɛi-Hala-o»). Paandu, nuaa fonda kon ndóò nɔ diolan ni aa Lus.


o fonda ndóò cɔw paandu fonda-loamaa-lasálàá-o kpeekpei. Mó piɛi Hala lon a ndu veeloo aa Mɛlɛka.


O kon, vana-vana pɛinin Mɛlɛka-o, ndu sɔlanin cindaa.›


Má cè nda hunɔɔ! A co kobio Ayat kuello! A kei Mikrɔn ma mɛi volɔɔla ndalan Mikmas.


O kon, mí piɛi o diola Mɛlɛka lan aa: «Éé Mɛlɛka! Ciindiaa ya!»


Bɛt-Araba, Semaraim, Betɛl,


Hali vanndo o pilɛ lo Ai ciee le, má mɛi kobio fondo, má ɲaanun Israɛlla kɔɔli.


Mí Yosue can a vanaa ndɔa cɔwva kpow le kɔlan Ai delɔɔ coo a cɔwvo. Mó hɛli kuubaa cɔwva vaalan beleyaa, mó viam nda icɔllo.


A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.


N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»


A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.


Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.


O lo kɔlan o pɔm-pɔmbɔ, mó faŋan Nekɛv, mó tiiya Betɛl di. Mó hiaw nɛɛ ndóò kila paandu dɔ́ɔ́ngɔ́ ndɔɔ Betɛl a Ai tɛɛn-nda,


O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.


Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.


Mí Isaak cɔaw fonda-loamaa-lasálàá o fonda kon, mó biilu Mɛlɛka lon, mó toandu cɛi-kola-toandaa ndɔɔ lon. Mí buɛyaa ndɔa toaw vɛlɛ soon kólaa celen.


Mí Yosue viam nda, má kɔa o fonda ndáà bɛnda le kɔlan mɛngɛlaa-o. Má cal Betɛl a Ai tɛɛn, Ai a ba paalen le del-lo. Icɔl kon, mí Yosue lɔl vanaa cɔvaa tɔ̀a ikɛi.


Mí Yosue cua vannda vàálan tan ŋuɛɛnu, mó kɛsi nda mɛngɛlaa Betɛl a Ai tɛɛn, Ai a ba paalen le del-lo pɛɛn.


Mó yoo kaasoŋaa kɔlkalua Betɛl, kaasoŋaa kɔlkalua Ramɔt a ba too, kaasoŋaa kɔlkalua Yatir,


Tuma Laban kɔ bendal Yakɔb-o, Yakɔb ndóò cii nin cɛi-kola-toandaa ndɔɔ simi o pembei coo. Mí Laban nda puapilɛa ndɔa ndóò hin nda bɛɛ a kila dɔ́ɔ́ngɔ́ɔ̀ o pembon Kalaad tɛɛn.


Mó cɔaw fonda-loamaa-lasálàá lon, mó ke ndu diolan aa Ɛl-Elohe-Israɛl (kon co dimio ni aa «Hala co Hala Israɛl-lo ni»).


Mó cɔaw fonda-loamaa-lasálàá lon, mó ke fonda kon diolan aa Ɛl-Betɛl (kon co dimio ni aa «Hala Betɛl-lo»). Kani o fonda kon Hala cɔmnun ndu telen o va Esau bɛ ndɔ ɲaanɔnndo-o ni.


O kon mí Moise cɔaw fonda-loamaa-lasálàá, mó ke ndu diolan aa Adonai Nisi (kon co dimio ni aa «Mɛlɛka co lɛfɛ nuu ni.»)


O kon mí Yosue cɔaw fonda-loamaa-lasálàá le Mɛlɛka Hala Israɛlla o pembei Ebal coo.


Lɔ́ɔ́ nda tiiya o peo Yurdɛn kɔngɔ o lɛŋnde Kanaan-nden nin-ndo, má tangul fonda-loamaa-lasálà bɛndu-bɛndoo o peo kɔngɔ lon.


Mí Sedeɔn cɔaw fonda-loamaa-lasálàá o foofo kon le Mɛlɛka, mó ke fonda-loamaa-lasálà kon diolan aa Adonai-Salɔm (kon co dimio ni aa «Mɛlɛka co kɔlɲuloo ni»). Fonda kon co vɔ háá paalen nden Ofra o lɛŋnde yungu Abiesɛr-o len coo.


Swiv nou:

Piblisite


Piblisite