O Kandɔɔ 12:7 - BII BILA

⁷ Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 12:7 Referans Kwoze

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

O Kandɔɔ 13:15

Lɛŋnde n co len cɔu len, i co nɔm nden yɔngu niaa cuavaa nɔmaa imamaa le fɛɛn a fɛɛn.

O Kandɔɔ 13:4

o fonda ndóò cɔw paandu fonda-loamaa-lasálàá-o kpeekpei. Mó piɛi Hala lon a ndu veeloo aa Mɛlɛka.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

O Kandɔɔ 32:30

Mí Yakɔb dimul ndu aa: «Yandi, cɔm ya diola nɔmndan.» Mí langbanɔ kon ɲuna ndu aa: «Le yɛɛ n yeema yɛ le diola nilan sinaa?» Mó dɔaw Yakɔb duaa o fonda kon.

O Kandɔɔ 26:25

Mí Isaak cɔaw fonda-loamaa-lasálàá o fonda kon, mó biilu Mɛlɛka lon, mó toandu cɛi-kola-toandaa ndɔɔ lon. Mí buɛyaa ndɔa toaw vɛlɛ soon kólaa celen.

Kundalan 32:11

‹Vanaa fula haa Esipte má nɔ hau vɔsilan bidiin háá hiovɔɔ bidiin-nda, a luei o lɛŋnde ya mɛnalan Abraham, Isaak Yakɔb le nda len keo len nin te few. Kani a bii diom nuu mà lo lecoo le,

O Kandɔɔ 12:8

Mó faŋan o fonda kon, mó kɔa o lɛŋnde n'pembulen nin, Betɛl a ba paalen le can-ndo, mó kila dɔ́ɔ́ngɔ́ ndɔɔ Betɛl a Ai tɛɛn. Betɛl va a kpengii paalen le del-le, Ai va a kpengii le can-nde. Lon bɛɛ, mó cɔaw fonda-loamaa-lasálàá le Mɛlɛka, mó piɛi Mɛlɛka lon.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Rɔmnda 9:8

Kon co dimio ni maa o co cuavaa velun o falon nin-nda le a co cuavaa Hala-a le, kɛ cuavaa kpemaa co cuavaa nɔ diolan o polalen coo-a ni.

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

O Kandɔɔ 17:3

O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

Kalatea 4:28

Niaa puapilɛa nia, cuavaa kpemaa niaa co maa Isaak ni.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Tɔŋ miingua 6:10

Lɔ́ɔ́ Mɛlɛka Hala niaa lueinin niaa o lɛŋnde o yiilu fuɲaa niaa mamaa Abraham, Isaak a Yakɔb kpemaa le niaa yɔngoo len nin-ndo, la komalnin kobila bɛndula kɛndɛ-kɛndɛla niaa tengul te lan ndon.

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Fulaa 6:3

I cɔmnun Abraham, Isaak a Yakɔb. Mí dimul nda maa diola nilan aa Hala Vana-Kpaayaa-Kpow, kɛ ndáà sina vɔ maa diola nilan te la co Mɛlɛka le.

O Kandɔɔ 33:20

Mó cɔaw fonda-loamaa-lasálàá lon, mó ke ndu diolan aa Ɛl-Elohe-Israɛl (kon co dimio ni aa «Hala co Hala Israɛl-lo ni»).

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Dɛnnda kiilaa 7:5

Hala ke ndu lɛŋnde len mì le va ɲɛ ndɔ le, hali nɛɛ kɛsiaa ipelu bɛɛ o ke ndu le. Kɛ mó dimul ndu maa o hun kenin ndu lɛŋnde len kɛ́ɔ, ndu a cuavaa ndɔa imamaa. Nduyɛ o telen kon, Abraham ndóò nɔ vɔ hɔ́ɔ́ le.

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Tɔŋ miingua 34:4

O kon mí Mɛlɛka dimul ndu aa: «Tofa vɔ lɛŋnde ya yiilu Abraham, Isaak a Yakɔb kpemaa, mí mɛnalan nda le nda len yɔngoo len. Mí dimul nda aa: ‹Lɛŋnden nden ya yɔngunin cuavaa niaa imamaa ni.› I cɔm nɔm Moise lɛŋnde kalalen, má ca len a lehɔl, kɛ a lueinin lenin te.»

1Dɛnnda lemasalan 16:16

Kpema o yiilu Abraham-ndo co kon ni, mɛnalan o mɛnalan Isaak-o pɛɛn.

O Kandɔɔ 13:17

Lelan, cɔn mà kela o lɛŋnden nden nin, mà mɛɛndan mɛɛ le bandu yɛ a mɛɛ le nɔ buo yɛ. Nɔm ya yɔngunin nden ni.»

O Kandɔɔ 28:4

Màá o tuisi nɔm duaa o dɔw Pua Abraham-ndo coo niaa cuavaa nɔmaa imamaa, haliko mi lɛŋnde n co len icali nin o sumialle len le siŋnun lɛŋnde nɔm! Kani Abraham fuɲa nɔm mama Hala yɔngu len ni.»

O Kandɔɔ 35:7

Mó cɔaw fonda-loamaa-lasálàá lon, mó ke fonda kon diolan aa Ɛl-Betɛl (kon co dimio ni aa «Hala Betɛl-lo»). Kani o fonda kon Hala cɔmnun ndu telen o va Esau bɛ ndɔ ɲaanɔnndo-o ni.

O Kandɔɔ 35:12

Lɛŋnde ya yɔngu Abraham nda Isaak len, i co nɔm nden yɔngu niaa cuavaa-imamaa nɔmnda nɔm kɔɔli.»

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

Fulaa 17:15

O kon mí Moise cɔaw fonda-loamaa-lasálàá, mó ke ndu diolan aa Adonai Nisi (kon co dimio ni aa «Mɛlɛka co lɛfɛ nuu ni.»)

Fulaa 24:4

Mí Moise sɛva sɔɔn Mɛlɛka soo-on kpow. Diimandɔɔ, mó pena cɔnɔn idiiyo púŋ, mó cɔaw fonda-loamaa-lasálàá o pembii ken bɛngu, mó simi powta sálàlan tɔ́ a latiɔn mɛɛ polama Israɛlla ma co tɔ́ a mamiɔn yɛ.

Kundalan 26:53

«Vanaa sɛvan haa-a lɛŋnden le bɛnda mì le piɔwnun ni, mì lepolaa-lepola le sɔla kɛ́ɔ mɛɛ le nɔ vannda yɛ.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Yosue 8:30

O kon mí Yosue cɔaw fonda-loamaa-lasálàá le Mɛlɛka Hala Israɛlla o pembei Ebal coo.

Yosue 22:10

Lɔ́ɔ́ nda tiiya o peo Yurdɛn kɔngɔ o lɛŋnde Kanaan-nden nin-ndo, má tangul fonda-loamaa-lasálà bɛndu-bɛndoo o peo kɔngɔ lon.

Masaa kialaa n'yamaa 6:24

Mí Sedeɔn cɔaw fonda-loamaa-lasálàá o foofo kon le Mɛlɛka, mó ke fonda-loamaa-lasálà kon diolan aa Adonai-Salɔm (kon co dimio ni aa «Mɛlɛka co kɔlɲuloo ni»). Fonda kon co vɔ háá paalen nden Ofra o lɛŋnde yungu Abiesɛr-o len coo.

1Samiɛl 7:17

malan ndóò muungu o ndu lo Rama. Lon calta ndɔlan la va ni, lon ndóò kialu yaman cuavaa Israɛlla tɛɛn ni, lon koni ndóò tangul vɛlɛ fonda-loamaa-lasálàá le Mɛlɛka ni.

2Samiɛl 24:25

Mó cɔaw niko fonda-loamaa-lasálàá lon, mó solul Mɛlɛka sálàla loamaalan a sálàla kɔlɲululan. O kon, mí Mɛlɛka ɲulul kɔl a lɛŋnden, mí kpundɛ ndóò tuisi Israɛlla coo-o cuu.

1Masaa 18:32

Mó cɔaw fonda-loamaa-lasálà Mɛlɛka-o a powta lan. Mó toaw soondo o fonda kalaa balɔɔ sɔ́, vanáà vow mɛnndan litililan beleyaa o soon kon nin.

1Dɛnnda lemasalan 16:18

Mó dimi aa: «I yɔngunin nɔm lɛŋnde Kanaan-nden, kɛ́ niaa vanin kon ni, nɔm a polale nɔmnden!»

2Dɛnnda lemasalan 20:7

Éé Hala naa! Vɛ̀ɛ̀ o co nɔm te tow vanaa va o lɛŋnden nden nin-nda vanaa nɔmnda, Israɛlla laci, má ke cuavaa-imamaa Abraham caan nɔm-nda lɛŋnde kalalen, mì le va ɲɛ nda pɛ le?

2Dɛnnda lemasalan 20:11

Kɛ tofa vɔ vɔ̀ngɔ̀ nda co naa hau mingullo-o, a co naa hunɔɔ tovɔɔ o lɛŋnde n ke naa kɛ́ɔ len coo.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»