O Kandɔɔ 12:6 - BII BILA

⁶ mí Abram kei o lɛŋnden tɛɛn, mó kɔa háá o fonda nɔ diolan aa Sikɛm-ndo, má tiiya nɛɛ yálán Mamre-o va-a. Telen kon, Kanannda va icali o lɛŋnde len nin.

O Kandɔɔ 12:6 Referans Kwoze

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

Tɔŋ miingua 11:30

Pembun miuŋun mun, Yurdɛn leeloo n co ni, o nɛi fula a ba paalen le del-lo lekɔɔli-o, o lɛŋnde Kanannda nin, á co icali o dɛɛlaa bɛndoo Yurdɛn nin-nda, Kilkal o hɔl-ndɔ, o yáláŋii Mamre-e ikɛi.

O Kandɔɔ 35:4

Má yɔngu Yakɔb piɔmaa va nda o ba-a a kelan sálàn va nda o lani-on kpede. Mí Yakɔb kumbu piɔmaa kan a kelan sálàn mun lɛŋ o yɔm bɛndu va Sikɛm ikɛi-yo bɛngu.

Masaa kialaa n'yamaa 7:1

Idiiyo púŋ, mí Sedeɔn ndáà veelu aa Yerubaal-lo can nda vanaa ndɔa cɔwva, má kɔ kila dɔ́ɔ́ngɔ́ɔ̀ o soon mamɛnndo Harɔd ikɛi. Dɔ́ɔ́ngɔ́ Madiannda va nda tiŋ a maluaŋ a ba pembei More, o bóllo nin.

O Kandɔɔ 13:7

Handɔɔ o kon coo, Kanannda a Perisiia bɛɛ va icali o lɛŋnde len nin telen kon. Mí vanaa mandaa n'cɔlua Abram-nda saan sɛɛngianndo nda vanaa mandaa n'cɔlua Lɔt-a.

Dɛnnda kiilaa 7:16

Má muungu a dialun ndan Sikɛm, má kɔ kumbu mun o sɛi Abraham ndóò pendu poaa Hamɔr-a o ba, Sikɛm lon-ndo nin.

Nsaŋ 4:5

Mó tiiya o kobio pum o tàndá kon nin, diolan Sikar, o yondo Yakɔb ndóò ke Yosɛf po ndɔ-o ikɛi.

1Masaa 12:1

Mí Roboam kɔa Sikɛm, kani Sikɛm lon Israɛlla kpow ndáà cuungian le ndu siinguuo masaa ni.

Masaa kialaa n'yamaa 9:1

Mí Abimelɛk po Yerubaal-lo kɔa Sikɛm le sɔɛi nda bomaa ndɔa, a yungu kala ndɔ-o kpow. Mó dimul nda aa:

Yosue 24:32

Sikɛm lon nda kumbu paala Yosɛf la ndáà fula Esipte mí ndáà hun a lan-ndan ni. O lɛŋnde Yakɔb ndóò pendu a volin latámán kɛmɛ poaa Hamɔr-a o ba len coo, Hamɔr soli Sikɛm-ndo pɛɛn. Mí lɛŋnde len le siŋnun kɛ́ poaa polale Yosɛf len.

Yosue 20:7

Le hee, mí Israɛlla hɛli kobio Kedɛs o tàndá Kalile-o nin, o lɛŋnde n'pembule polale Nɛftali len le sɔla len nin, má hɛli vɛlɛ kobio Sikɛm, o tàndá n'pembu Efraim-ndo nin a kobio Kiriat-Arba (o ndáà veelu vɛlɛ aa Hebrɔn-ndo), o co o tàndá n'pemboo Yuda nin-ndo.

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 33:18

Mɛɛ Yakɔb faŋan Padan-Aram, mó tiiya a kɔlɲuloo o kobio Sikɛm nin, o lɛŋnde Kanaan-nden nin. Mó kɔ kila dɔ́ɔ́ngɔ́ ndɔɔ o kobio hɔl-ndɔ.

O Kandɔɔ 10:15

Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

1Masaa 12:25

Mí Yeroboam siinguu kobio Sikɛm kobi mayoomoo o tàndà n'pembu Efraim-ndo nin, mó cal lon. O kon kɔɔli, mó can ndon, mó kɔ tangul vɛlɛ kobio Penuɛl.

Condii lisai 60:6

A yɔngu vanaa nɔ siòòŋii nɔmnde-a tɔɔmaseloo, le vanaa vuaa lakpaasiaa ɲaanɔnndo.

O Kandɔɔ 34:30

Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.