O Kandɔɔ 12:4 - BII BILA

⁴ Abram ndóò nɔ vɔsilan belaŋɔmmɛw a laŋuɛɛnu, mó cɛl le faŋanndo Haran mɛɛ Mɛlɛka ndóò dimul ndu yɛ.

O Kandɔɔ 12:4 Referans Kwoze

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

O Kandɔɔ 11:31

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

O Kandɔɔ 11:27

Diola vanaa fula o polale Tera len nin-nda la co lan ni, Tera yɔŋnun kon fuɲaa Abram, Nahɔr a Haran-ndo pɛɛn: mí Haran vialu Lɔt.

Dɛnnda kiilaa 7:4

O kon mí Abraham faŋan Babilɔn, mó kɔ cal Haran. Fuɲa ndɔ vuo, mí Hala faŋa ndu lon, mó cuu ndu o lɛŋnde niaa co leen-nden nin.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

O Kandɔɔ 16:3

O kon, mí Sarai cua Akar cɛ ndɔ laandoo, mó hivi Abram pɔnɔ ndɔ kɔɔli. Abram ndóò cii nin vɔsilan tɔ́ o lɛŋnde Kanaan-nden nin ndon.

O Kandɔɔ 16:16

Tuma Akar vilul kon Abram hɔ́ɔ́-o, Abram ndóò nɔ vɔsilan belaŋɔmaa a laŋɔmpum.

O Kandɔɔ 25:7

Mɛɛ Abraham cii vɔsilan kɛmɛ a belaŋɔmmɛw a laŋuɛɛnu,

O Kandɔɔ 28:10

Mí Yakɔb faŋan Bɛɛr-Seba, mó kɔa Haran.

O Kandɔɔ 13:5

Lɔt va bɛɛ kon Abram o ba bɛngu-o ndóò nɔ cɔlua taw: saa, cuinnda a nawva. Ndóò nɔ vɛlɛ cɛila-kolala-toandaalan taw.