O Kandɔɔ 12:3 - BII BILA

³ Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

O Kandɔɔ 12:3 Referans Kwoze

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

Kundalan 24:9

Má ce nda ihini pɛngio maa n'yàlà. Nɛ̀ɛ́ cua yɛnin nda? Vana dɔw pɛ niaa duaa, duaa co le ndu. Vana dɔw pɛ niaa danga, dangaa co le ndu.»

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»

O Kandɔɔ 18:18

O siŋnunnin fuɲa-mamaa le vanaa-mangalaa-isɔɔa sɛ́lɛ́ bɛndoo, a nɔnin kpaayaa taw-va. Vanaa-mangalaa-isɔɔa o lɛŋnden coo kpow sɔlanin duaa ndu o ba bɛngu.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Fulaa 23:22

Kɛ te la bii pɛ sɔɛi ndɔɛi ɲɛkɛndɛi, mì la tosa sɔɔn ya dimul niaa le tosaa-on kpede, i siŋnunnin yaamɔɔ vanaa co niaa yaamɔɔlen tosallo-a, mì simul vanaa simulnin niaa-a.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

O Kandɔɔ 39:5

Kandɔɔ telen kon, mí Mɛlɛka dɔaw cɛi Potifar Esiptenɔ-o duaa le va Yosɛf va lon-ndo. Ɲɛm va ndu o ba cɛinin-ndon a ɲɛm va ndu o ba yondoo nin-ndon kpow, mí Mɛlɛka dɔaw mun duaa.

O Kandɔɔ 30:30

Kani ɲɛ bɔɔ ve nɔm o ba telen ya hin-ndo le, kɛ o hunɔɔ nuu, mí ɲɛ-sɔlaa nɔmndo kui taw-taw. Kabi ya hin nɔm o bɛngu coo, duaa Mɛlɛka co nɔm dɔvɔɔ-o co o bɔɔ. Te i lo pɛ nɔm o bɛngu coo lende, telen kuɛɛ ya co yɛ niko vallo tosa le yungule nilen?»

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Matie 25:45

Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.›

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 25:11

Mɛɛ Abraham vi, mí Hala koma dɔaw Isaak po ndɔ duaa taw-taw. Mí Isaak kɔ kila calta ndɔlan o soon kólaa Lakai-Royi ikɛi.

O Kandɔɔ 26:29

Lelan, mɛnan o Mɛlɛka lo, taa tosalnin naa dɛnɛ vɔɔndo le. Bau naa bɛɛ n tosal nɔm dɛnɛ vɔɔn te. Dɛnɛ kɛndɔɔ naa n tosal nɔm ni. A faŋan o naa lo a isɔɔ kɔɔli le. Sunsun yɛ, Mɛlɛka co nɔm duaa dɔvɔɔ.»