O Kandɔɔ 12:2 - BII BILA

² I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

O Kandɔɔ 12:2 Referans Kwoze

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

Kalatea 3:14

Ken i tosan haliko mi vanaa co N'Yuifi le-a, kɛ má laalan Yeesu Krista-a sɔla duaa Abraham-ndo, o kon mí n sɔla Kɔl Hala dimi le vanaa ndɔa keo-vo.

O Kandɔɔ 18:18

O siŋnunnin fuɲa-mamaa le vanaa-mangalaa-isɔɔa sɛ́lɛ́ bɛndoo, a nɔnin kpaayaa taw-va. Vanaa-mangalaa-isɔɔa o lɛŋnden coo kpow sɔlanin duaa ndu o ba bɛngu.

O Kandɔɔ 35:11

Mí Hala dimul ndu vɛlɛ aa: «Ya co Hala Vana-Kpaayaa-Kpow ni. Lelan, naŋ ipúlú mà sɔla cuavaa-imamaa taw. Yungulan a vanaa-mangalaa-isɔɔa súúlan taw a fulanin o polale nɔmnden nin. Masaa fulanin o cuavaa-imamaa nɔmnda tɛɛn.

O Kandɔɔ 46:3

Mí Hala dimul ndu aa: «Ya co Hala ni, Hala fuɲa nɔm-ndo pɛɛn. Lelan, siòòŋii bii nɔm le kɔlan Esipte le. I co tosa mì polale nɔmnden le kui lon taw-taw.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

Kalatea 3:7

La sínà ken maa vanaa nɔ laalanndo-a, nda co cuavaa Abraham-nda ni.

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

Fulaa 32:10

Lelan, mal-la mì tuisi nda kɔl ni tuwvo coo, mì diw nda kpow. Kɛ nɔm, i solinin vanaa-mangalaa-isɔɔa sɛ́lɛ́ bɛndoo taw nɔm o ipulu.»

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Kundalan 14:12

I co nda nàà vɔɔn halimaa tuisi coo mà cuu kpow, mì soli vanaa-mangalaa-isɔɔa hiow nda va sɛ́lɛ́-a a á hiow nda kpaayaa-a nɔm o ipulu.»

1Masaa 1:47

Hali vanaa ndɔa baalaa kɔ yil nihau masaa David nuvalio, má dimi aa: ‹Màá Hala nɔmndo soli Salomɔn tɔ́ɔ́ hiovɔɔ tɔ́ɔ́ nɔm óò nɔ-o coo! Màá o luei masale ndɔlen yoomuan hiovɔɔ masale nɔm óò nɔ len coo!› Mí masaa David tundun o kpele ndɔɔ coo,

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

O Kandɔɔ 24:1

Abraham ndóò yuuva nin taw, ndóò cii nin vɔsila bɔɔ-bɔɔ, nduyɛ Mɛlɛka ndóò dɔw ndu duaa o dɛnndan kpow nin.

O Kandɔɔ 25:11

Mɛɛ Abraham vi, mí Hala koma dɔaw Isaak po ndɔ duaa taw-taw. Mí Isaak kɔ kila calta ndɔlan o soon kólaa Lakai-Royi ikɛi.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Kundalan 22:12

Kɛ mí Hala dimul Balaam aa: «Kɔa niaa ndaa le! Dɔaw vanaa kan danga le! Kani a cùù duaa dɔwnɔn.»

Kundalan 23:20

Ɲɛ o dimul-la-o co le duaa dɔvɔɔ ni. Ndu cii nda duaa dɔvɔɔ, ya i mangalanin ɲɛ-ɲɛ le.

Condii lisai 107:38

Mò dɔw nda ndua, mà kui taw-taw, cɔlua ndaa faŋan lecoo le.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

O Kandɔɔ 17:20

Le Ismaɛl-lɛ, i tuei piɛile n piɛi le ndu len. I co ndu duaa dɔvɔɔ mì yɔngu ndu cuavaa-imamaa taw. O kuinin ipulu, polale ndɔlen le vanin sɛ́lɛ́. I vangalanin cuavaa ndɔa imamaa. Langbaa kɛsun kálàá tɔ́ a à ŋiɔn a fulanin ndu nin. I siinguunin ndu fuɲa-mamaa le vanaa-mangalaa-isɔɔa sɛ́lɛ́ bɛndoo.

SƐBƐ YƆB-O 35:8

Vanndacieea maa nɔm pila kon kɔlvesɛi nɔmndo nɔla ni. Sandii nɔmnde bɛɛ, vanndacieea koni i nɛŋi mako ni.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.