O Kandɔɔ 12:11 - BII BILA

¹¹ Tuma nda va le tiiyaa Esipte-o, mó dimul Sarai laa ndɔ aa: «I sina maa a naŋ hɔlla taw.

O Kandɔɔ 12:11 Referans Kwoze

O Kandɔɔ 26:7

Mɛɛ pilacieea Kerar a ɲuna ndu a dɛnɛ laa ndɔ-o o kɔɔ, mó mulul nda aa: «Yema nuu o co ni.» O cɛl le dimio maa laa ndɔ le Rebeka va le. Kani siòònde va ndu ni, yɔŋii vanaa kan ndáà dii ndu o laa ndɔ coo, bau Rebeka laa ndɔ ndóò naŋ taw.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

O Kandɔɔ 29:17

Lea ndóò naŋ tiŋ hɔlla, kɛ Rasɛl ndóò caa simndan, ndóò naŋ vɛlɛ hɔlla taw.

O Kandɔɔ 12:14

Nduyɛ lekɛ́ndɛi, mɛɛ Abram tiiya Esipte, mí vanaa kan ca maa laa ndɔ naŋ taw.

Condii kɛndɛ-kɛndɛi 1:14

O co maa kpɔ̀nyɔ̀ kɔmnde yɔm henee o nakɔla n'rɛsɛnndan Ɛin-Kedi nin.

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

O Kandɔɔ 20:2

Mó dimul vannda maa yema ndɔ Sara co ni, nduyɛ laa ndɔ o va ni. O kon, mí Abimelɛk, masaa Kerar cua ndu le ndu siinguuo laa ndɔ.

O Kandɔɔ 24:16

Naŋɔɔ pila cuaambɔ lembu kon ndóò naŋ ni, ndóò hiw-vɔ vanapɔnɔ kɔɔli le. Mó toal o soon kólaa kon, mó kɔandu mɛnndan, mó hel o kɔngɔ.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 20:13

Tuma Hala faŋa ya o yungu fuɲa nuu nin mí can kelaa o lɛŋnde nin-ndo, mí dimul laa ni kalaa maa fonda oo fonda naa n tiiya pɛ, o yiyan ya coo mò dimul vanaa naa n komalnin lon-nda maa yema ndɔ ya co ni.»

1Samiɛl 25:3

Nabal langbanɔ kon ndóò nɔ diolan ni, laa ndɔ diolan Abikail. Laa ndɔ kon ndóò nɔ kɔlkaloo taw, ndóò naŋ vɛlɛ hɔlla taw. Kɛ vana vɔɔndo a vana kɔlvesɛiyo Nabal pɔnɔ ndɔ ndu va ni. O polale Kalɛb len nin ndóò fula ni.

1Masaa 1:4

Cuaambɔ laandu kalaa ndóò naŋ hɔlla taw. Mó kɔ va masaa mandaa, a ndu diikɔnndo. Kɛ masaa David sina ndu vanalanɔ le.

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.