O Kandɔɔ 12:1 - BII BILA

¹ Mí Mɛlɛka dimul Abram aa: «Faŋan o lɛŋnde nɔmnde n velun nin-nden nin, faŋan vanayan nɔmndon a yungu fuɲa nɔm-ndo ikɛi, ma kɔɛ o lɛŋnde ya co nɔm cɔm-nden nin.

O Kandɔɔ 12:1 Referans Kwoze

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

Nehemi 9:7

Mɛlɛka Hala, nɔm hɛli Abram ni. Má soli ndu Ur o lɛŋnde Kaldea nin, má ke ndu diolan aa: Abraham.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

O Kandɔɔ 15:7

Mó dimul ndu aa: «Ya co Mɛlɛka ni, ya faŋa nɔm o cieo Ur nin o lɛŋnde Kaldee len nin le nɔm lɛŋnden nden yɔngoo ɲɛ nɔm ni.»

Esekiɛl 33:24

«Po vanacieo sei, vanaa co icali o cieon piɔlɛin mun nin Israɛl-la co dimio aa: ‹Abraham ndu pilɛ kpé va ni, kɛ mó hialu lɛŋnden nden kpow, kɛ naa naa n co sɛ́lɛ́ taw, nduyɛ naa lɛŋnden nden le yɔngun fasɛi ni!»

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Esai 41:9

Nɔm ya cua o lɛŋnden mɛɛlulan-ndo, nɔm ya veelu fulaa nɛɛ levil-lo, nɔm ya dimul ni aa vana baala nuu n co ni. I hɛli nɔm, i melnin nɔm te!

Dɛnnda cɔɔmuanndan 18:4

Mí tuɛi diom celen sɔɛi o halataala aa: «Vanaa nia sei, la fula lon, yɔŋii niaa vow balan o hakila ndɔlan nin, mì la sɔla sangaa niaa ndaa latulu.

O Kandɔɔ 20:13

Tuma Hala faŋa ya o yungu fuɲa nuu nin mí can kelaa o lɛŋnde nin-ndo, mí dimul laa ni kalaa maa fonda oo fonda naa n tiiya pɛ, o yiyan ya coo mò dimul vanaa naa n komalnin lon-nda maa yema ndɔ ya co ni.»

O Kandɔɔ 24:4

Kɛ maa a kɔanin o lɛŋnde nilen nin, ma kɔ cuel Isaak po ni lanɔɔ lon o vanayan nun nin.»

O Kandɔɔ 26:2

Mí Mɛlɛka cɔmnun ndu, mó dimul ndu aa: «Kɔa o lɛŋnde Esipte len nin te. A saa pɛ a cal o lɛŋnde ya co nɔm cɔm-nden nin.

Esai 37:12

Mí fuɲaa niaa mamaa tɛɛmbuu sindɛ vanaa-mangalaa-isɔɔa va o kobio Kosan nin-nda, a va o kobio Haran a o kobio Rɛsɛf nin-nda, má diw vɛlɛ cuavaa-imamaa Edɛŋaa va Telasar-a, mò va maa halaa vanaa-mangalaa-isɔaa kan va piɛiyo-a a baŋa nda le?

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

O Kandɔɔ 24:38

Kɛ aa ya kɔ o polale fuɲa ndɔlen nin, mì kɔ yil lanɔɔ le po ndɔɔ o vanayan ndɔn tɛɛn.

Kundalan 10:30

Mí Hobab mulul ndu aa: «I co lakɔ le. O lɛŋnde nilen nin a o calta nilan ya co muungu ni.»