O Kandɔɔ 11:8 - BII BILA

⁸ Mí Mɛlɛka puusiaa nda lon, mó sɛŋi nda o lɛŋnden kpow coo, má mal tangul ndáà kandu kon-ndo.

O Kandɔɔ 11:8 Referans Kwoze

Luke 1:51

O tosa dɛnndan a kpaaya ndɔɔ kpow, mó puusiaa vanaa nɔ yiyannda yongalan o lakɔl-la.

Tɔŋ miingua 32:8

Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

O Kandɔɔ 10:32

Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.

O Kandɔɔ 10:25

Mí Hebɛr vialu poaa nda ŋiɔn: po ndɔ tasoo diolan Pelɛk (kon co dimio ni aa «Piɔwvo»), kani o paale ndɔlen vanndacieea o ceendo coo a piɔvan ni. Pɔmbɔ ndɔ diolan aa Yɔktan.

O Kandɔɔ 11:9

Le kɔlɔɔ ho nda ke fonda kon diolan ni aa Babɛl. Kani lon Mɛlɛka laasiaa sɔɛi mangalɛi vanndacieea ni, mó sɛŋi nda o lɛŋnden coo kpow.

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

O Kandɔɔ 49:7

Dangaa co o kɔl nda tuw nɔ iɲíí loo a o kela nda kɔlvesɛi bɛndoo coo. I co nda sɛŋi o lɛŋnde Yakɔb len nin, mì saŋ nda o lɛŋnde Israɛl-ten nin fásàn.

Condii lisai 92:9

Kɛ nɔm Mɛlɛka, Mɛlɛka fɛɛn-fɛɛndo n co ni.

O Kandɔɔ 10:5

O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

Condii lisai 33:10

Mɛlɛka cii tuula vanaa-mangalaa-isɔɔa puusiaa, mó tɛɛmbuu kɛɛsuula vannda súúla celennda.