O Kandɔɔ 11:7 - BII BILA

⁷ Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

O Kandɔɔ 11:7 Referans Kwoze

Condii lisai 33:10

Mɛlɛka cii tuula vanaa-mangalaa-isɔɔa puusiaa, mó tɛɛmbuu kɛɛsuula vannda súúla celennda.

Condii lisai 55:9

I va keleŋa poondan mì yáà nuwviaa nɛɛ viannannda. I va hoeyii fùkù-fùkùei a felenfelenndo hiovɔɔ keleŋaa.

O Kandɔɔ 1:26

Mí Hala dimi aa: «N cɔwnun vanacieo a velan naa, mò vel naa, mì vanaciee kon va vana bɛndoo suvaa co o mɛnndan nin-nda, yovaa co coocoo-a, visia cieeninnda, visia co o lɛŋnden coo-a kpow a visia pɔmbɔa kela lɛŋ-nda coo.»

1Korɛntea 14:23

Te o va pɛ mì vanaa laalannda kpow a cuungian o fonda pilɔɔ, mì nda kpede a va sɔɛi o sɔɔn mangalan celen nin, mì vanaa bii dɛnɛ kon bila le-a te kon te vanaa co vanaa laalan te-a hin, vɛ̀ɛ̀ a diminin te maa la seema?

Yeremi 5:15

Mí Mɛlɛka dimi aa: «I co vanaa-mangalaa-isɔɔa cuu fulaa nɛɛ levil, má hun del niaa coo, niaa yungu Israɛl-lo pɛɛn. Vanaa-mangalaa-isɔɔa kpaayaa nda co ni, a masindɛa pɛɛn. Vanaa niaa sina sɔɛi ndɛi le-a, a niaa bii sɔɛi ndɛi bila le-a.

Condii lisai 2:4

Kɛ Vana co icali o halataala-o co nda mamɔɔ, Maalii co nda mamɔɔ ciki-ciki.

SƐBƐ YƆB-O 12:20

Ndu hialu vanaa caa isɔɔa sɔɛi o sondo ni, mò poondaa sinapɛngoo vanaa yuuvɛiya o ba.

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

O Kandɔɔ 42:23

A ve sina maa Yosɛf co sɔɛi ndɛi tueyɔɔ le, kani vana hivia isɔɔ Yosɛf ndóò cua le suukanndo nda ndaa ni.

O Kandɔɔ 11:5

Mí Mɛlɛka toal, mó hun mɛɛndan kobio a cɛi coocoo vanndacieea va tangullo-o.

O Kandɔɔ 10:20

Yungula fula o polale Ham-nden nin-ndan la yɔŋnun ndan ni. A va a piɔvannda a kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

O Kandɔɔ 3:22

Mó dimi aa: «Mɛɛ vanacieo siŋnun maa naa le dɛnɛ kɛndɔɔ a dɛnɛ vɔɔndo sinaa yɛ, naa bɛɛ n kùùnan ndu le tiiyaa o yɔm cindaa. Kani te o de pɛ kɔmnde yɔm kon, o co vannɔn yoomu le fɛɛn a fɛɛn.»

O Kandɔɔ 10:32

Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.

O Kandɔɔ 10:5

O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

Fulaa 4:11

Mí Mɛlɛka ɲuna ndu aa: «Nɛ̀ɛ́-nɛ̀ yɔngù yɛ vanacieo sondoo le sɔɛi? Nɛ̀ɛ́-nɛ̀ nɔlà yɛ mò siinguu ndu bobonɔɔ, te kon te vana nila baŋulɛiyo? Nɛ̀ɛ́-nɛ̀ nɔlà yɛ mò kumbi ndu hɔltan le cɔu, te kon te mò suumiaa ndu? O co ya Mɛlɛka le?

Esai 33:19

A ci lɛnin vanaa hɔlta vesɛiyaa kan te, vanaa sɔɛi ndɛi mangalɛi co kan yɔɔluyɔɔlu-a, a vanaa bii kan sɔɛi ndɛi mangalɛi bila le-a pɛɛn.