O Kandɔɔ 11:4 - BII BILA

⁴ Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

O Kandɔɔ 11:4 Referans Kwoze

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Luke 1:51

O tosa dɛnndan a kpaaya ndɔɔ kpow, mó puusiaa vanaa nɔ yiyannda yongalan o lakɔl-la.

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Talelan 10:7

Ɲɔɔ hɛnan vana le loonɔnndo a vana dɛnɛ sandaa ni, kɛ vana vɔɔndo ndu, diola ndɔlan la nɛi fula vannda o kɔl te.

Tɔŋ miingua 9:1

«Niaa Israɛlla, la yaŋ nilan! La co hau peo Yurdɛn taŋɔɔ le kɔlan vanaa-mangalaa-isɔɔa hiow niaa kpaayaa a sɛ́lɔ́ɔ́-a tovɔɔ, mì la hɛlu kobila bɛndulan a kobila co lakungaalan a kpakio háá o halataala lan.

2Samiɛl 8:13

David tiwvo Edɔmnda ba, mó diw vannda vaalan tɔ́ a laŋɔmaa o ból nda veelu aa Ból Ihɛllo-o nin. O muungoo, mí tɔ́ɔ́ ndɔɔ tiw nɛɛ-nɛɛ ka.

Daniɛl 4:11

Mó deŋi coocoo aa: «La kioŋ yɔmndo ho! La kilikili lɛvun ndɔn! La keenduu pei ndɔɛi kpow! La sɛŋi kulun ndɔn yaa-yaa! Mì visia piɔl a kiltan, mà faŋan lebɛngu, mì yowva mɛi vɛɛnde, mà ɲaanun!

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

Condii lisai 92:9

Kɛ nɔm Mɛlɛka, Mɛlɛka fɛɛn-fɛɛndo n co ni.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Condii lisai 107:26

Mí dɛ̀ndɛ̀la mamɛnndan la hel o halataala, mí la muungu, mí la toal o mɛnndan bɛngu, mí kɔltan la laasian vanaa va lan ɲaanɔnndo-a.

Yeremi 51:53

Hali Babilɔnnda hel bɛɛ coocoo o halataala, mà kɔ siinguu lon nɛɛ ndaa viannannda, mà kindan kpakilan kɔɔli, vanaa tɛɛmbuuaa komalnin nda lon di. Ya viamnin nda ni.» Sɔɛi fula Mɛlɛka o sondo-e co ken ni.

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»