O Kandɔɔ 11:3 - BII BILA

³ Má dimulan vellaa-velle aa: «Vannda sei! N tosan vali pilɛ. N lɔɔnun kpilikion mì n lomnun mun.» Má tosa vallo a kpilikin nda lom mún-ndon maa lapow, má tosa vɛlɛ vallo a puulu lindaa maa laso.

O Kandɔɔ 11:3 Referans Kwoze

O Kandɔɔ 14:10

Kɛ mí masaa Sodɔm a hoo Komɔr a ɲaanun. A lo ɲaanɔnndo, má kɔ deli o soonnda yingilaala va o dɛɛla bɛndoo Sidim nin-ndan nin. Mí vanaa hɛlun-nda nda ɲaanun, má kɔ vionnun o pembei coo.

Fulaa 2:3

Mɛɛ o sina maa o nɔla lɛ vionnɔnndo a ndu le, mó lɔa kambɛiyo a taan, mó yikpa ndu a dukpaa, mó holiholi sɛ̀llo. Mɛɛ o cii toosiaa lende, mó yambu cɛlɛkpɛ kalaa o kambɛi kon nin, mó kɔ kɛsi ndu o cɔ́ɔ́cɔ́ɔ̀an nin o pee bɛndoo Nil kɔngɔ.

Fulaa 1:14

Má bɛpɛla nda bɛpɛlaa pila a valta kálà-kálàlan tosaa: puuloo lindaa, kpilikion lɔu a valta yondolan. Mbɔ̀ a bɛpɛla bɔɔ cuavaa Israɛlla o baalala lepɔtɔlta súú-súù ka nin.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Hebreea 10:24

N nɔnnan hɔlten kɔɔli vellaa-velle, haliko mi n lueinan yoomuan le kaolaa cɔmanndo a le dɛnnda kɛndɛlan tosaa.

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Esai 9:10

Lelan, Mɛlɛka cuanin yaamɔaa Resin-nda mà simul nda, o tosanin mì yaamɔaa ndɔa simul ndu.

2Samiɛl 12:31

Mí David bii vanaa va lon-nda, mó kɔa a nda o cɛlen nin. Mó kɔ tundu nda baalala kálà-kálàlan tosaa: yɔmnde a powtan siɔlɔɔ, yɔmnde kombiaa a kpilikion lɔu. Mó tosa ɲɛ pilɛ kon o kobila Amɔnnda nin kpow. O kon kɔɔli, mó muungu Yerusalɛm nda vanaa ndɔa cɔwva kpow.

Nsaki 4:13

Niaa co sisa dimio-a aa: «Hau, te kon te siɔdii, n kɔanin o kobi vaa nuaa nin. N ciinin vɔsio pilɛ lon, n tosanin yulalen ndon mì n sɔla tɔnɔɔ»,

Nahum 3:14

Vannda Ninive sei, la kɔndu mɛnndan le calta niaalan mingio tangullo, le fondala niaala mayoomulan mingio bɛɛndiaa. La linda puulu bɔwvo mì la bɛɛndiaa multan le kpilion lɔu.

Esai 65:3

Vannda ha co ya tiŋɔɔ a ya kɔllo tuuloo tuŋ-tuŋ, a co sálàlan solio o nakɔlan nin, a co lasikɔlɔ ansan lomɔɔ o kpilikion coo.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Vana Kɔlkaloo 2:1

«Mí dimul kɔl nuu aa: ‹N tofa vɔ ɲɛ kɔlkɛndɛla ceendo ho la ke vana lan, mí mɛɛndan-ndɔ ɲɛ co dɛnɛ kɛndɔɔ nɔu-vo.› Kon vɛlɛ bɛɛ, sanga fondoo fúú!

Talelan 1:11

Taa dimul nɔm pɛ aa: ‹Hun n kɔnnun, mì n kɔ miingun yaŋɔɔlan mì n diinun vanndacieea. N hendulun vana tɛɛmbuu isɔɔ loo yaŋɔɔlan o fondo fúúo coo,

Condii lisai 64:5

A co vana tɛɛmbuu isɔɔ loo vuuo nɛɛ nda co a viannannda-a, a voolu ndu ma vuu ndu, buulan co nda bɛɛ le.

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»