O Kandɔɔ 11:1 - BII BILA

¹ Sɔɛi mangalɛi pilɛi kpé vanndacieea o ceendo coo kpow a va dimio ni, diomnda pilɛlan ndáà soaa ni.

O Kandɔɔ 11:1 Referans Kwoze

Dɛnnda kiilaa 2:6

Mɛɛ nda tuei diom kon, má cuungian sɛ́lɔ́ɔ́. Má dɔawnun kɔndɔfili taw, kani vana-vana va ɲɛ kaandennda va dimio-o tueyɔɔ o sɔɛi ndɔɛi nin.

Sofoni 3:9

«I dindinin cɔcɔn vanaa súúla celen, haliko ma piɛi ya, mà tosal-la vallo a diom pilɔɔ.

Esai 19:18

O palɛi ken nin, kobilan tan ŋuɛɛnu la vanin Esipte, vanaa vanin lenin-nda diminin sɔɛi mangalɛi Hebreea, a mɛnannin o diola Mɛlɛka-Nɔ-Kpaayaa-Kpow-vo lan. Kobila lan, o pilɛ nɔnin diolan aa: Kobi ɲɛ tambɛiyo.

O Kandɔɔ 10:32

Yungula poaa Noe-a la yɔŋnun ndan ni, yungula fula o ndu nin-ndan, mɛɛ nda va a diola ndalan, súúla ndalan a sɔɔn ndan mangalan yɛ. Nda yɔŋnun fuɲaa-mamaa vanndacieea o lɛŋnden kpede coo o kpundɛ mɛmma bɛndoo kɔɔli ni.

O Kandɔɔ 11:2

Mɛɛ nda faŋan a ba paalen le can-ndo, má va kɔlan, má komal dɛngbɛ bɛndu-bɛndoo pum o lɛŋnde Sinear len nin, má kila dɔ́ɔ́ngɔ́ɔ̀ lon.

O Kandɔɔ 11:6

Mɛɛ o cii mɛɛndan, mó dimi aa: «Vanaa pilɛa vannda ha kpede a co ni, sɔɛi mangalɛi pilɛi kpé nda co dimio ni, taa kandu pɛ dɛnɛ vaa nuaa tosaa, le fɛɛn a fɛɛn nin, ɲɛ-ɲɛ nɔla lɛ mò kuuna nda ɲɛ nda tuu le tosaa-o tosa le.