O Kandɔɔ 10:9 - BII BILA

⁹ Doosunɔ-málà bɛndoo pila o yɔŋnun Mɛlɛka o hɔl ni. Lelan vannda ndáà dimi taloo ni aa: «Doosule yelelal vana maa Nimrɔd siŋnun doosunɔ-málàá Mɛlɛka o hɔl-lo.»

O Kandɔɔ 10:9 Referans Kwoze

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

O Kandɔɔ 27:30

Tuma Isaak cii Yakɔb duaa dɔvɔɔ-o, mí Yakɔb kɔannun. Mí Esau bɛ ndɔ fula doosulen yondoo nin.

O Kandɔɔ 25:27

Mɛɛ poambɔa pɛndua kan sul, mí Esau siŋnun doosunɔ-málà bɛndoo, yondo tuŋ o vannun ni. Yakɔb ndu yɛngɛlɛn o va ni. O cɛila-kolala-toandaalan nin tuŋ o vannun ni.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

O Kandɔɔ 6:11

Kɛ vanndacieea telen kon a va a laasiannda Hala o hɔl, yɔŋ vɔɔndo va tosanndo nɛɛ-nɛɛ ka.

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

Misee 7:2

Mbɔ̀ vanaa lo o lediom coo-a cuu o lɛŋnden nden nin! Vana sandaa co lɛ lenin te few. Nda kpow a cal mɛngɛlianndo le koovan sooluanndo, vana-vana co puapilɛ ndɔɔ yaŋɔɔlen kɛsullo.

Esekiɛl 13:18

Dimul nda maa nuaa Maalii Hala dimi ni aa: «Dɛnɛ palaa co le vanlaandua co kolala n'pɛngɛlan sɔndɔɔ le bala kpeŋndan kpow, a kolala vaan-vaanndan tosaa le vannda kpow, mɛɛ nda co yɛ-a. A co kon tosaa le yoomula vannda ciiyo! Vɛ̀ɛ̀ lende niaa ciinin yoomula vanaa nia, mì la mɛi la niaa pila lan la kɛndɛ ni?

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

O Kandɔɔ 10:8

Mí Kus vialu vɛlɛ Nimrɔd, mí Nimrɔd kon kandu dɛnnda kpaayala tɔ́ɔ́ bɛndulan tosaa o lɛŋnden coo.

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

Esai 18:2

Niaa co kiilaa niaa vomɔɔ ni ma va keiyo o mɛmma ihɛllan coo, o dɛ̀ndɛ̀la toosian a cɔ́ɔ́cɔ́ɔ̀an-ndan nin. Kiilaa keleŋa taw-va, la kɔ! La kɔ o vanaa-mangalaa-isɔaa bandu kan taw, mà nɔ kɔɔle ningilaalen-nda lo, vanaa co kan kpúlúnkùmaa kandɔɔ paandu háá hau-va pɛɛn, vanaa-mangalaa-isɔaa nɔ kan kpaaya bɛndoo-a, a co kan vannda bɛpɛlaa-a, a lɛŋnde ndalen le co kan lekilikiliaalen a peelan-nden.